قارانلیقیدان ایشیغا دوغرو
اوجاقلو ماحمودون اؤزبئلاقی
تاريخ : 1391/3/21 | یازار : taymaz ocaqlu
+0 به‌‌یه‌ن

ایندی اوزاندیم ایكی پتو آراسینا

یایین اورتا آییندا اوشویوردو جانیم

دؤرد بوجاغیم دمیردن‌دی، دمیر

قاپیلار، پنجره‌لر، دووارلار، مؤهور

اؤزومده دمیرله‌نیردیم یاواش‌یاواش

آیاق دمیر، قولوم دمیر، ایچیم دمیر

فیكیر چورویوب، جولوموش جئجیم

اؤره‌گیم پاسلانیر شئه‌لیك ایچینده

گوزگوسوز دووار

اوزوم دگیشیب‌می ؟ آرتیق بیلمیرم

قورخورام دمیردن آدام اولموشام

بو آز چاغلاردا

اوشونور گؤزلریم قاپی باغلاندی





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/3/20 | یازار : taymaz ocaqlu
+0 به‌‌یه‌ن

سئوگی و بیز

قات - قات سیرا چؤكموش سئوگی پاسینی اورییمده داشییرام. ایللر ساییسینا اؤلچسم‌سه، آز چاغلار دوزن‌له‌نیر. 8 ایل ، 10 ایل، ایگیرمی ایل. دوشونورم و دوشونوروك سئوگی ایللر سایغاجینا سیغماز اولوب. بو سئوگی گؤبلك كیمی بیتدی آنجاق یاشاییشیما درین بیر كؤك سالدی. نووروز گولو كیمی بیتدی، سولدو چیچكلری آنجاق جانیمین ایچینی آلدی.

تانری چؤرتكه سینده 21 یاشیندا ساییلیردیم؛ سئوگی بولوتلاری اؤرگیمین گؤیونه یاییلدی. شاخدی، گورولدادی و باهار یاغیشینی سوسوز دامارلاریما سپدی. نئجه قدحلره ییغمیایدیم سئوگی ایچگی‌سینی. ایندی 12 ایللیك شارابیم وار. باخماغی جانلارا ساغلامدی؛ ایچمه‌یی گؤر نئینر؟!

سئوگینی منده یارادان؛ چوخ تئز آیریلیق ماهنی‌سینی چالدی. آنجاق هله‌ده زیلی و بمی ایله اوینویورام. ایندی من یاپ یالقیز او سئوگی‌نین ییه‌سییم.

ناخیشلی ایپك دسمال ایله پاسلی سئوگیمی سیلركن؛ هله‌ده پاریلتیسی وار. زامان دورور او زامان. سئوگی‌نی دوشوننده  اونو آنلاماغا چالیشاندا؛ ایناناراق سانیرام عوموردن ساییلمیر بو آنلار.

سئوگی بیر پایلاشیم اولسادا، اینسانلارین ایچ قابینا باخاراق برابر آلینمیر. بیرینه چوخ یئتیشیر بیرینه ایسه آز. دوغروسو بودور سئوگی‌ده عدالت یوخدور. هابئله گؤزللیگی‌ده بو عدالت سیزلیكده‌دیر.

سئوگی ایكی اوزلو دمیر پولا بنزر. بیر اوزو دالغادیر، جوشغودور، دئپرمدیر، گؤز یاشی و اوچوروم. او بیری ایسه ساكین، درین، اوچوش، یئنه‌ده گؤزیاشی بئله‌لیكله بونلارین توپلومو یاشاماق فلسفه‌سینی یازدیریر.

سئوگی! تانری بویو یاشاماقدادیر. اونا هاردان باشلادین‌می و هاردا قورتاراجاخسان‌می؟ سورویو وئرمك اولمور.

سئوگی‌یه یوخاریدان باخ. یئردن باخان سئوگی‌لر یئر قوخوسو وئریر. ایرنج، كیفسه‌میش و بول‌سئكسووال.

من درین باخیشلارا ساپلانماغی، یئر-گؤی آراسیندا ساللانماغی؛ ایشیم‌ایشغلارا آسلانماغی دویموشام. ایچ ائدیب قوسمامیشام. قایتارمامیشام بو یئكه تیكه‌نی. اوتغونا - اوتغونا اوتوزموشام. سوندا سیندیریب سازالمیشام.



آچار سؤزلر : سئوگی,

گؤنده ر 100 درجه کلوب دات کام گؤنده ر     بؤلوم لر: توپلومسال (اجتماعی)
تاريخ : 1391/3/19 | یازار : taymaz ocaqlu
+0 به‌‌یه‌ن

قاراما دوت

تویوق یومورتاسیندان دوغولان ده‌وه‌لره

خیرپینی چكمیش اوزانلارایسه

توپور

كیتاب آلیب اوخومویانلارین اوزونه

ماللانین یاتاغان اؤكوزو ایسه





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
+0 به‌‌یه‌ن

لوطفن اورك و سینیر خسته‌لی‌یی اولانلار بو یازینی اوخوماسینلار

اوچ آجی یادداش قاراباغ فاجیعه‌سیندن

ایكی آیدین !!؟؟ ارمنی‌نین یادداشلاری

بو گونلر آزربایجانیمیز قاراباغ سوی‌قیریمنین ایل دؤنومونده؛ آجی و اورك‌یاندیران گونلری یاشادیر. بونا گؤره بوردا ایكی ارمنی‌نین بیریسی قوشوق‌چو (شاعیر) او بیریسی‌ایسه ژورنالیستین یادداشلاریندا اولان؛ اؤته‌یین (تاریخین) قاراگئرچكلریندن و اینسانلیغین روحونو آغیلاندیران اولایلارین نئچه اؤرنه‌یین اوزه‌رینی آچیریق.

بیلمه‌لی‌ییك بو ایكی ارمنی بو اولایلارین ایچینده اولاركن؛ اونلاری تؤرتمه‌سینه فخر ائدیرلر. ایندی سیز و بو یادداشلار.

                                     

 آد : نم زوری بالایان

ایش: یازار و قوشوقچو

قایناق: یازدیغیم كیتابدان روحوموزون یئنی‌دن دیریلیشی

اولای هاردا و هاچان باش وئرمیشدی: 26 فئورال 1992 خوجالی

"خاچاتوریان" ایله الیمیزه كئچیردی‌ییمیز ائوین ایچینه سوخولدوق. 13 یاشلی بیر تورك جوجوغویلا اوزله‌شدیك. او اوشاغی ارمنی عسگرلری دووارا میخلامیشدیلار و اوشاغ آغلاماخدان قارالمیشدی و نفس آلانمیردی سانكی. خاخاچاتوریان سینیرلاری پوزولدو و اوشاغین آناسینین اولوسونون امجك‌لرینین بیریسینی كسیب و اوشاغین آغزینا باسدی. اوشاغین آغزی بورنو قانلا دولموشدو و گؤزلری قورخودان تیتره‌ییردی.

بونلاردان سونرا من "نم زوری بالایان"  اوشاغین ساچلاریندان یاپیشیب و خنجریمله باشینین دریسینی، سونرا ایسه دؤشونو و سوندا قارنینی سؤكدوم. سونرا ساحاتیمیزا باخدیق. قانی آخاراق دوز یئددی دقیقه اؤلومو سوردو. نه ایت جانیدی.

من بو ایشدن یاشامیمین اَن‌بؤیوك موتلولوغونو دویدوم. روحوم سئوینج و غرورلا دولدو.

خاچاتوریان اوشاغین جمده‌یینی بؤلوشدوردو و تورك‌سویلو ایتلرین قاباغینا آتدی. یانلیشلاماسامسا ائله او گئجه باشقا اوچ اوشاغی بئله‌نجی جهنمه گؤنده‌ردیك. بئله‌لیكله من بیر ارمنی‌سویلو كیمی اؤز گؤره‌وی‌می یئرینه یئتیردیم و ایناملا اینانیرام دونیانین بوسبوتون ارمنی‌لری بیزیم ائتدیكلریمیزله فخر دویاجاقلار.

یاینلانیبدبر: وانادزرو درگی‌سی 1996 ایل 260-262 – اینجی یارپاقلاریندا

 

آد : دیوید خردیان

ایش: یازار و ژورنالیست

قایناق: خاج یولوندا آدلی كیتابدان – 19 – 76 اینجی یارپاقلاری 

اولای هاردا باش وئرمیشدی: خوجالی

 ۲۶ نجی یارپاق

گون چیخمیشدی و چوخ سویوق بیر گون‌ایدی "داش بولاغدا". نسه بیر باتلاغین اوستوندن كئچمه‌ك اوچون تورك اؤلولریندن؛ بیر آدامدان‌كؤرپو قاییردیق. سنگرداشیم ''پود پول كوویك اوهانیان'' منیم قورخومو گؤردوكجه (اؤلولرین اوستوندن كئچمك‌ اوچون) سؤیله‌دی: قورخما ! آددیملا.

من یئریشه باشلادیم. پوتونلاریمیز و شالوارلاریمیز قان پالچیغلی اولموشدو. من اؤلولری سایاراق اوستلرینده آددیلاییردیم. چوخلاری اوشاغ و آروادلاریدیلار. یاخین 1200 اؤلو آیاغیمین آستیندا باسدیم.

۶۲ و ۶۳ یارپاقلار

بیر "كافلان" آدلی توپلومون گؤره‌وی، جمدك یاندیرماغ‌ایدی. اونلار 2000 نفر تورك مونگول‌لاریندان خوجالی‌نین 1 كیلومتیرلی‌یینده یاندیردیلار. سونونجو اؤلو داشیان آرابادا منده اوتورموشدوم. 10 یاشلی بیر قیز جیغازی بونا باخمایاراق چوخ یارالی، آج، یورغونویدو و سوعوخدان اللری تتیره‌ییردی؛  اؤلوم چاغلارینا یاخینلاشیردی. قیز منه باخاراق چوخ آغیر نفس آلیردی. من عؤمور بویو 10 یاشلی باخیشی اونوتمایاجاغام.

"تیكرانیان" آدلی عسگر، قیزین قولاغلاریندان یاپیشیب و سوروتلویه سوروتلویه اونو باشقا یاندیریلاجاق جمدك‌لرین ایچینه توللادی. سونرا یاندیریجی و آلووآرتیجیلار سپیلدی و آلوو قالخدی. هله‌ده دیری دیری یانانلارین زاریلتی‌سی و قیشقیرباغیرینی اونوتمامیشام.



 

قایناق:

http://makulu-haray.arzublog.com/post-%D8%B9%D8%AA%D8%B1%D8%A7%D9%81%D8%A7%D8%AA+%D8%AF%D9%88+%D8%AA%D9%86+%D8%A7%D8%B1%D9%85%D9%86%D9%8A+%D8%AF%D8%B1+%D9%85%D9%88%D8%B1%D8%AF+%D8%AC%D9%86%D8%A7%D9%8A%D8%A7%D8%AA+%D8%A7%D8%B1%D8%A7%D9%85%D9%86%D9%87+%D8%AF%D8%B1+%D9%82%D8%B1%D9%87+%D8%A8%D8%A7%D8%BA+%D9%88+%D8%AE%D9%88%D8%AC%D8%A7%D9%84%D9%8A+-24598.html





گؤنده ر 100 درجه کلوب دات کام گؤنده ر     بؤلوم لر: گوندم اولای
+0 به‌‌یه‌ن

یك نوشته ساختارشكن ؛ كدام نوع تعصب !؟

چند وقت قبل مقاله‌ای را از سایت ..... مطالعه نمودم. در این مقاله شخصیت‌سوزی به جای شخصیت‌سازی در حركت ملی آزربایجان نیز به استنباط اینجانبان از مظالم وارد شده به یكی از شخصیتهای معروف حركت ملی آزربایجان داد سخن برآورده بودند.

هر چند نویسنده در برخی سطور احساسات زلالی بكار برده و در عین حال با شتابزدگی، عناوینی نامتعارف را به كلیت حركت وارد كرده بودند كه با اندكی اغماض بر كلیت نوشته لطمه‌ای وارد نكرده بود.
ادامه »»»» آردی وار

آردی وار- ادامه مطلب


گؤنده ر 100 درجه کلوب دات کام گؤنده ر     بؤلوم لر: توپلومسال (اجتماعی)
تاريخ : 1391/3/16 | یازار : taymaz ocaqlu
+0 به‌‌یه‌ن

ساغلیق‌سیز ایچگی‌لر

ایچگی‌سیز ساغلیق‌لار

خط‌سیز كاغیذلار

كاغاذسیز یازیلار

                                    اوراغلار گزیشیر بوغدالیقلاری

من نه هایدا !؟

سن نه هایدا !؟

یوموشاق دانیشیق

خنجرلی باخیش‌لار

دیلكلی ناخیش‌لار

ناخیش‌لی دیرناقلار

                             گیوتین قوخلاییر یاشیل باش‌لاری

من نه هایدا !؟

سن نه هایدا !؟

شعریمیز دوزن‌سیز

آبارتمیش یالانلار

آیاقسیز قالانلار

قالارقی ساتان‌لار

                               سوله‌نیر كؤپكلر قبریستانلاری

من نه هایدا !؟

سن نه هایدا !؟

بوزلامیش گئجه‌لر

بوغونتو هاوالار

هاوالار باشلاردا

آدامسیز‌ حاوالار

        شیطانلار اوچورور جنت اؤلكه‌نی

من نه هایدا !؟

سن نه هایدا !؟





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
+0 به‌‌یه‌ن
زنگان‌دا«بایرام» مجله‌سی‌نین اوستاد هوشنگ جعفری‌له موصاحبه‌سی



آردی وار- ادامه مطلب


گؤنده ر 100 درجه کلوب دات کام گؤنده ر     بؤلوم لر: تانیتیم
تاريخ : 1391/3/9 | یازار : taymaz ocaqlu
+0 به‌‌یه‌ن

دئییلیر كی

اسكی چاغدا

آتالاردا ، آنالاردا میمونوموش

یارانمیشیق او نسیلدن

هیرارشیستی یارانیشا اینانیبلار

آنجاق منیم بیر سؤزوم وار

تانری منی یارادیبدیر

آنا یوردوم توپراغیندان

آزربایجان بولاغیندان

من كی میمون گؤرمه‌میشم زنگانیمدا

سیزلر نئجه ؟

---------------------

1- هیرارشیستی یارانیش= آددیم‌آددیم ایره‌لی‌له‌مك (تكامل تدریجی) گوج یولو‌ایلا.


         





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/3/7 | یازار : taymaz ocaqlu
+0 به‌‌یه‌ن

خشنه‌كلی‌لر

سانجی باسدی قارینلارین

كؤپدورموشدو یئدیكلری

باغیرساغلار قوروموشدو

دَلیك‌لری توتولموشدو

هاوا آلانمیر آق جییر

گؤزلری قانلا دولموشدور

هایقیردیلار آغی‌لاندیق

سالدیردیلار، اؤلدورولدوك

منجه ائله حاقلاری‌دیر

حاققی یی‌یه‌ن؛ سانجیلانار





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/3/6 | یازار : taymaz ocaqlu
+0 به‌‌یه‌ن

مانقورتلوغا دوغرو

اریدیلدیرمك یؤنه‌تگی‌سی (آسمیلاسیون سیاستی) نئجه تئپگی‌لندیریر!؟ (عمل ائدیر)

هر زامان بو ایكی سئچه‌نكله اوزله‌شدینیز سیز باشقا دیلده اریدیلمیشینیز:

1-   جیبینیزده‌كی پوللاری باشقا دیلده سایاسینیز.

2-   یوخولارینیزدا دانیشیغلارینیز، باشقا دیلده اولسا. 

اینسانلار دنیز اوستونده گمی‌یه ینزه‌ییرلر؛ 70% سو آستیندا (آلتیندا) گؤرونمورایسه 30% سویون اوستونده‌دیر گؤرونور. آچیغلاسامسا بیز 30 پاییزیمیزی (فاییزیمیزی=%) ایلگی‌لریمیزده اولانلارلا پایلاشیریق و 70% گؤرونمورلر و اونلارین چوغونلوغو دیغولاریمیز ییغجامی‌دیرلار. بو قونو آییق‌لیق آخیمیندا بیر قوروم‌دور؛ آنجاق یوخو و ساكین حالیندا بو تام ترسینه و آست‌اوست اولورلار.

اریدیلمه پروسه‌سی اؤزللیكله (خصوصی‌ایله) سیزین گیزلی كیملی‌یینیزی (ضمیر ناخودآگاه) ائتگی‌له‌ندیریر. (تاثیرلندیریر) سیزین ایچینیز بوشالیب، ایستك‌لرینیز دگیشیلیر؛ دویغولارینیز قوللانیلیر و بو ایچ‌دگیشیمینیز بوسبوتون رفتارلارینیزی بلیر‌له‌ییر.

بو قونویو دوزگون آنلاماق اوچون "مانقورت " آدلی كیتابی سایین "چنگیز آیتماتوف" آدلی- سانلی یازارین شاه‌اثرینین اوخوماسینی اؤنه‌رله‌ییرم.

هله‌لیك





گؤنده ر 100 درجه کلوب دات کام گؤنده ر     بؤلوم لر: توپلومسال (اجتماعی)
تاريخ : 1391/3/5 | یازار : taymaz ocaqlu
+0 به‌‌یه‌ن

بیر قیز - آئنزا پاند

آغاج اَل‌لریمه گیردی

اؤزو قول‌لاریما سیزدی

بؤیوردو آغاج كؤكسوم‌دن آشاغی

اوزاندی قول‌لار كیمی بوداق‌لاری مندن

آغاج‌لارسان

یوسونسان سن

بنؤوشه‌لرین اوستونده یئل اَسن

بیر جوجوق‌سان بو قدر

آما تارتان - پارتان گلیر عالمه بونلار

 





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/3/4 | یازار : taymaz ocaqlu
+0 به‌‌یه‌ن

سؤز وئرمه!؟

هله اوونمامیشتیم. آنجاق هؤنكورهؤنكور آغلاماخدان سونرا؛ ایندی بوغازیم هیق هیقا یول آچمیشیدی. دیزینین اوستو ائله راحاتیمیش كی اونوتموشدوم نئچه دقیقه‌لردی باشیمی دیزینه آلیب؛ اللری‌ایله باشیمی و دالیمی اووكه له‌ییردی.

بیلمه‌دیم ندن اؤزومو ساخلایا بیلمه‌دیم هابئله دویغوایله بوغولدوم. سونرا گؤزلریمدن شئه پارتلاییشینی ائشیتتدیم. گؤز یاشلاریمی گیزلتمك اوچون باشیمی آشاغیا دوتدوم؛ آنجاق دالیمین تیتره‌مه‌سینه هئچ چاره قیلامادیم. یئریكله‌میشیدیم دویونجاق آغلاماغا آنجاق اوتانماق اونا مانیع اولوردو.

ایكی اللرینی ساغ سول قولومون آستینا باغدی؛ برك سیخدی و ماهینا اَلیمه دوشدو. داها اؤزومو ساخلایا بیلمه‌دیم. او هئچ نه دانیشمادی. من  موطلق سوكوتدا آردیجیل آغلادیم.

ایندی دویونجا آغلایاندان سونرا؛ بیر دونیا اوتانج جانیمی سارمیشیدی. بو اوتانج بوتون گوجومو سوموردو. نئجه یاخشی اولدو كی گؤزوم‌گؤزونه دوشمه‌یه‌جك! آخی اوتانیردیم گؤزلریندن. اوچرا ایكی ایل بوندان اؤنجه قاراگؤزلرینه دیك و دریندن باخاركن؛ سؤز وئرمیشیدیم؛ آرخاداش كیمی دالیندا دوراجاغام. ایندی من اونون اؤنونده دیز چؤكموش؛ باشیمی دیزلرینه قویوب و باییلمیش كیمی‌ام.





گؤنده ر 100 درجه کلوب دات کام گؤنده ر     بؤلوم لر: اؤیكو (حكایت)
+0 به‌‌یه‌ن

دگردیسی آذری‌ها از پان آذریسم! به پان‌توركیسم!

عنوان مطلبی بود كه شخصی در كامنت یكی از نوشته‌هایم در وبلاگم گذاشته بود. (البته متاسفانه من آن را پاك كردم) نگارنده كه نام و نشان درستی هم نداشت با سماجت و سفاحت تمام (تقریبا همگی آنها چنین مرامی دارند) با برچسب زدن و دایه مهربانتر از مادر نشان دادن خویش، سعی در واشكافی و بررسی تاریخی !! آزربایجان و زبان آذری (فاذری) و سیر آن در طول تاریخ ایران و سپس نفی هر گونه مظاهر عنصر تورك در ایران و جمهوری آزربایجان ( و به قول ایشان ایران شمالی) پرداخته بود. (آن هم در چند خط)

در اینجا بنده نمی‌خواهم به گزافه‌های ایشان پاسخی بدهم؛ هر چند كه پیش از بنده اساتید و اهل فن نظریات استاد راهنمای این قماش آقای احمد كسروی و پیروانش را به بهترین وجه رد نموده‌اند؛ اما ذكر چند مطلب در اینجا خالی از فایده نخواهد بود.

موضوعی كه باید گفت این است كه تمامی اعوان و انصار این قماش، برچسپهای پان را به فعالان مدنی آزربایجان می‌چسپانند و ما را به پان‌ایسم متهم می‌كنند. در حالی كه نه پان آذریسم و نه پان‌توركیسم ادعایی آنان به هیچ وجه در مورد ما صدق نمی‌كند. سوالی كه باید از این دشمنان دوست‌نما پرسید این است كه چگونه می‌توانید ادعاهای ارضی بیشماری در مورد بسیاری از كشورهای مستقل و همسایه ایران داشته باشید و آن را وطن‌پرستی بنامید؛ اما درخواستهای قانونی من و امثال من را  تعبیر پان‌ایستی بنامید؟ چگونه است كه درخواست الحاق جمهوری آزربایجان را با نام ایران شمالی مطرح می‌كنید و در عین حال ما را متهم می‌كنید كه خواستار پیوستن به جمهوری آزربایجان هستیم؟ و چه عاملی مشروعیت لازم برای ادعاهای شما را فراهم می‌كند و ما را به عنوان مدعیان تجزیه كشور مطرح می‌كنید؟

در حالیكه هیچ مصداقی از فعالیتهای پان در بین فعالان مدنی آزربایجان مشاهده نمی‌شود؛ متهم و محكوم به پان‌توركیسم و در مورد اخیر پان‌آذریسم می‌شویم! البته من نتوانستم در بین نوشته‌های نگارنده مقاله كذایی تعریفی دقیق و واضح از پان‌آذریسم ببینم.! تمام

یازانیم كوسوب

آرتیق یازماییر

قافامی دئشیب

كاغیذ جیزماییر

پان‌توركیست! اولوب

فارسجا یازماییر!

 

 

 

 





گؤنده ر 100 درجه کلوب دات کام گؤنده ر     بؤلوم لر: گوندم اولای
تاريخ : 1391/3/2 | یازار : taymaz ocaqlu
+0 به‌‌یه‌ن

اوزولسم‌ده

بو یوللاردا دوغولموشام

من ایندی‌ده اوزاغلاردا بوغولموشام

قاشیق قاشیق بوشالمیشام

میللتیمله دولونموشام

یول قیراغی قبیر داشی

هر قبیرین اوستونده‌ده

نئچه اینسان آغلاشیرلار

قبیر قبیر سوخولموشام

توتوشموشام، آلیشمیشام

دیلیم دیلیم پایلاشمیشام

اؤكسورموشم دیری‌لرین قولاغینا

اویانسینلار من اؤلونون هارایینا

یوللار منی آتیر دوتور

قوملارینا ساپلانمیشام

بیر اؤلونون اویخوسوندا

بیر منیدیم

پارپاقلاندیم بیر آغاجین بوداغیندا

همن یولون قیراغیندا

یاشیل یارپاق آغاجلارین اومودودور

كابوسلارا سون وئرجك

آغاجلاردان آسیلاراق جان وئره‌جك

اووسونلاری قایتاراجاق قاراپیشیك آخورونا

آنجاق آنجاق بو یوللارین گئدیشی وار

دؤنوشو یوخ كسریول یوخ

دوم‌دوز گئدیر

سؤزسوز بیتیر





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
+0 به‌‌یه‌ن

موهندیس حسن راشدی‌دن یاخشی بیر یازی

بعضی‌لری اؤلومدن ائله قورخورلار، ائله بیل یالنیز اونلار اؤله‌جكلر  و باشقالاری دونیانین سونونا قدر یاشایاجاقلار؛ اونا گؤره اؤلوم سؤزونو نه اینكی دیله گتیرمكدن قاچارلار، بلكه اونو ذهنلرینه بئله گتیرمك ایسته‌میرلر!

آمما اؤلومون الیندن ایندیه كیمی هئچ كیمسه قاچا بیلمه‌ییب، قاچادا بیلمز

آردی وار »»»»


آردی وار- ادامه مطلب
آچار سؤزلر : یازی,

گؤنده ر 100 درجه کلوب دات کام گؤنده ر     بؤلوم لر: گوندم اولای
یارپاق لار: [1] [..] [8] [9] [10] [11] [12] [13]
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :