توركه داوا

سانیرام هئچ اولماسا بیر كره توركه داواچی دوكانلارینا یولونوزو سالمیشسینز! توركه داواچی لار آراسیندا بیر اینام واردیر: " آغری آجی (درد) هارداسا درمان اوردادیر". آچیقلاسامسا اونلارین ایناملارینا گؤره هر یئرده بیر آدام خسته اولسا اؤرنه یین سویوغا ده یسه یوخسا قارین باغیرساغی آغریسا و ... دوغا ائله او یئرده درمان (درمانلی بیتگی) یارادیبدیر. دئمك درد اولان یئرده ده درمان تاپیلار.

میللتچی (اولوسچو) دیییلن اینسانلارین بیر بؤیوك آغری سی واردیر؛ اودا اولوس آغری سی دیر. او میللت قایقیسینا قالیر. سونرا باشقا میللتچیلرله تانیشلانیر. میللتچیلر توپلاشیب قوروپ یارادیب بیرله شیرلر. هر قوروپ اؤزونه بیر یوخسا نئچه گؤره و (وظیفه) تانیملاییر. آنجاق هامیسینین اورتاق دردی (آغری و آجی سی) میـــــــــللت دیر.

اوسته یازدیغیمیز تومجه یه (جومله یه) باغلی (درده بیر درمان گرك) میللتچیلر بو دردی دوشونور و داشیییر. بو درد میللت دیر،میللت بیر آغیر، آغری دیر؛ هابئله میللت آجی دیر. آنجاق میللت دردینین درمانی ائله او میللـت دیر.

گؤنده ر     بؤلوم لر: توپلومسال (اجتماعی)