قارانلیقیدان ایشیغا دوغرو
اوجاقلو ماحمودون اؤزبئلاقی
تاريخ : 1391/2/16 | یازار : taymaz ocaqlu
+0 به‌‌یه‌ن

داشدا منه یاخین یاتیر 

قورخو واردیر

قورخوداندیر

داشدا منه یاخین یاتیر

قورخوداندا

گونده باتیر

قارداشدا قارداشین ساتیر

قورخو واردیر

دام باجادا "خوخان" یاتیر

اوشاقلارا دیك‌دیك باخیر





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/2/15 | یازار : taymaz ocaqlu
+0 به‌‌یه‌ن

 بیر اؤلموش ائله بئل باغلاما

قلینجین قانینی بیر اؤلونون توز- تورپاقلی كؤینه‌یینله سیلیردی. ایگید یوزباش بو ساواشدادا ظفر قازانمیشیدی. گؤزلرینین پاریلداماسیندان سئوینج یاغیردی.

چتین گونلرینی خاطیرلاییردی. آتاسی اؤلندن سونرا 8 آدامین بئجه‌رمه‌سی، اونون بوینونا دوشدویونو و بو آغیر گؤره‌وی یوك كیمی اؤز آرخاسیندا حیس ائتمه سینی؛ گنجلیك چاغلارینا باخمایاراق؛ تئز آنلامیشدی.

ایندی 10 ایل باسقی و سیخیتنیلی گونلریندن گئچیب و او شاه-ین اوردوسنون یوزباشی اولوبدور و نئچه‌نئچه ساواشلاردا یاغی‌لارا قان اوتدوروبدور.

قیلینجینی ایكی اَلیله برك یئره سؤیكه‌دی و اونا سؤیكه‌نه‌رك آیاغا قالخدی. قوردسایاق گؤزلرینی اوردوسونا ساری دوتدو و اونلارا باخدی. هامی گؤزلویوردو نَسه، نئچه  سؤز دانیشسین. باشینی ساغدان سولا اوردونون باشلانقیجیندان سونونا قدر ترپتدی. اؤزواؤزونه " چوخ اؤلو وئردیك" دییه‌دییه ؛ "ساغ اولون" دئدی و قلینجی قینینا سوخدو و آتینا ساری آددیملادی.

اوردونون دینجی چیخمامیش گؤرونوردو. ایندیه‌جك، اوردودا هئچ كیمسه اونون گولمه‌سینی گؤرمه‌میشدی. آمما هامی اونو سئویریدی و اؤل دئسه‌یدی؛ اؤلردیلر. چوخ ساده جومله نظره گلیر آنجاق ائله بو ساده سؤزونن فدا اولانلار چوخ ساییدا اولموشلاردیر.

اوردونون اورتاسیندان بیر گنج عسگر، سنگرداشیندان سوروشدو: بو یوزباش ندن بئله‌دی!؟ یانیت وئریلدی: شاه اونا یوزباشلیق حؤكمونو وئرنده اونا امر ائتمیشیدی كی ساواشلاریندا اؤلدور آنجاق اؤلمه! ایندی‌یه‌دك چوخ درین و آغیر یارالانیبدیر آنجاق هئچ اؤلمویوبدور.

بیزیم اوردو موعجیزه‌دیر قانداش.





گؤنده ر 100 درجه کلوب دات کام گؤنده ر     بؤلوم لر: اؤیكو (حكایت)
+0 به‌‌یه‌ن

كامیل قهرمان اوغلودان گؤزل قوشوق

داشـلارا سـواشان اولـدوز ایشغی

ساغیر بنؤوشه‌دن قارانلیـق ایچیـر

آچیـر گؤزلـریمده قان سارماشیغی

گئجه‌نین قاتاری اوستومدن كئچیـر

آلوولو خیـمه‌ده گیزله‌نیـب كــولك

اوجاقـلار اوشـویور آغیـر شاختادا

یئتیـم ماهنـی‌لارا اوچــور كپـنك

دورنـالار چكیلیــب دارا آینـــادا

یاخامدان یاپیشیب ساری ماهنی‌لار

بئینیمـده اولاییــر یالقیــز جاناوار

اؤزونــده آغلاییر، اؤزونده سـوسور

دویغـودان دوغــولان پینتی پلمه‌لر

یاز گولوشــو كیمی منـده اسیردیر

قارا سئلـلولـوندا دونـان كلمـــه‌لر

اینــان دوداغیمــدا قبیر قبیردیر

اوره‌ییــمده یئــنه بیــر خارابالیق

اوچوق دووارلاری داخمالار واردیــر

و پاییز اَینیمـه سالیـــب آرخـالیق

قیش یولو اَلیمده هامار هاماردیـر

ماویـلر بـورونوب مـاوی اؤرپه‌ییـن

گؤیلـرده قارغـالار گلیـن آپـاریــر

قانلـی اوفوقلـره دوشـن دیدرگیـن

تـورپاقـدا كسیلمیـش اَلـه یالواریر


آچار سؤزلر : گؤزل, قهرمان,

گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/2/13 | یازار : taymaz ocaqlu
+0 به‌‌یه‌ن


                                                


خطری جدی برای امنیت .... !!؟؟

سن پان‌توركیسم كاهش یافت.

پخش كلیپی در برنامه نود كه به زعم برخی از سایتهای خبرساز! "نباید پخش می‌شد"؛ باعث شد تا یك چیزهایی به خطر بیفتند. كه در مقایسه با:

1-   افزایش آمار اعتیاد به مواد مخدر .

2-   كاهش سن فحشا تا زیر 13 سالگی.

3-    افزایش تورم و گرانی و در نتیجه كاهش قدرت خرید مردم.

4-   افزایش آمار بیكاری.

5-   عدم تعادل بازار .

6-   افزایش سوء مدیریت‌ها .

7-   افزایش خشكی شدن دریاچه اورمیه .

8-   و....

9-   و...

و ....

بسیار وخیم‌تر و خطرناكتر است. موضوعی كه باید برای آن اهمیت فراوانتری قائل شد.

راستی اگر این ترجمه این شعر طوطی وار!!؟ را به زبان "خلیج فارسی" بیان نمایم؛ عمق فاجعه بیشتر هم درك می‌شود.

آزربایجان منیم ائلیم

دوغرانسام‌دا دیلیم دیلیم

منیم دیلیم اؤن دگیل

باشقا دیه دؤنن دگیل

ترجمه:

آزربایجان سرزمین من است.

اگر تكه‌تكه شوم

زبان من نامیراست

و به زبانی دیگر تبدیل نخواهد شد.

این شعر خطرناك كه برای پان ... (توركیست‌) هاست؛ چرا باید از زبان یك كودك تورك آزربایجانی شنیده شود. از همه بدتر چرا در تلویزیون ملی و آنهم در برنامه پربینند نود!!؟

آهای ! هوار ! واویلا ! سن پان ... (توركیسم) در كشور كاهش یافت.

لینك خبر »»»





گؤنده ر 100 درجه کلوب دات کام گؤنده ر     بؤلوم لر: گوندم اولای
تاريخ : 1391/2/12 | یازار : taymaz ocaqlu
+0 به‌‌یه‌ن

اوستون‌سویچولار؛ بو یاخینلاردا

بایرامدان نئچه یئددیجه‌لر (هفته‌لر) اؤنجه "زیباكلام" آدلی بیر فارس یازار و آیدین‌دوشونجه‌ اینسان؛ ایراندا اوستون‌سویلولوق دوشونجه‌دن و اونون ایرانلی‌لارین ایچینده هؤرولموش و بیچیلمیش دوروموندان دانیشمیش‌ایدی.

بو یازی چوخلو مئدیالاردا و هؤرون‌ده (اینترنت‌ده) یئر تاپدی و اونو اوستونده چوخلو یوروملار و ساولار یاراندی. آنجاق بو قونو فارس‌آیدینلار وریدن یاخشی آلقیشلانمادی! ندنی بللی‌دیر سانیرام.

بئله‌لیكله چوخلو ایراندا یاشایانلار بو قونویو اینانماییب و اینانماماق‌دا اونلارا ایناندیریلیبدیر. ایراندا عیرق‌چیلیق بیر یاساق قونو سانیلیرسا؛ آنجاق بو دوغرو بیر گئرچكدیر. ایندی چوخو اینانسین یوخسا اینانماسین؛ اؤنملی دگیل.

آنجاق بو یئنگی ایلین آغلارگولر آیینین 13- ونده (فروردینین 13 و) بیر اولای باش وئردی و بو اوستوباستیریلمیش دوغرونون توزونو آلدی. ائشیدیلینه گؤره ایصفاهان ایلجه‌سینده (شهرینده) افغانلی‌لاری بیر پارك ایچینه قویماییبلار و اونلارین گیریشینی یاساق ائدیبلر.

بو و بونون كیمی اولایلاری من تهراندا یاشاماغیما گؤره نئچه كره گؤرموشم و افغانلی‌لارین تحقیر اولونماسینی گؤروشم. چوخلو افغانلی‌لار ایستیثمار اولونورلار.

آنجاق سؤز بودور ایراندا اوستون‌سویچولوغون، كؤكو اولماسینا و ییلماسینا چوخلو ایراندا یاشایان اولوسلار، قوم‌لار اؤزللیكله تورك بودونو (تورك میللتی)  ایللر بویو قیشقریرلار. آنجاق ائشیدن یوخدور.

ائله گؤرونور كی افغانلی‌لارین قیلینجی كسر اولوب و بو قونو گوندمه چیخیبدیر. اولسون ، وار اولسون.

هله‌لیك ...






گؤنده ر 100 درجه کلوب دات کام گؤنده ر     بؤلوم لر: گوندم اولای
تاريخ : 1391/2/11 | یازار : taymaz ocaqlu
+0 به‌‌یه‌ن

بیر میلیون دولارلیق قوناقلیق

"چارلی" سونونجو دولارلاریلا اون میلیون دولار اوددو. لاتاری اؤدولونو قازاندیقدان سونرا، خیاوان یولداشلارینا وئردییی ایكی هفته‌لیك بیر قوناقلیق سوره‌سینده ایچیب چالدیردیغینا گؤره‌ده اؤلدو!

اونون میلیولارجا پولو دؤولتین حئسابینا گئچیریلدی. آنجاق اونون آدی ابدیه‌دك "میناستریت" ده اَن‌بؤیوك قوناقلیق وئرن كیمی دیری قالاجاقدیر.

... دوغرودان اونون آدی نه‌ایدی!؟

دیك اسكین

قایناق: چیراق درگی‌سی؛ یاز1389 سیناق سایی





گؤنده ر 100 درجه کلوب دات کام گؤنده ر     بؤلوم لر: اؤیكو (حكایت)
تاريخ : 1391/2/10 | یازار : taymaz ocaqlu
+0 به‌‌یه‌ن

       

         

               آدامجیل قوردلار

تَكَر آی چیخیبدیر!

بنزه‌تدیم اوشاغلیغیمدا اویناتدیغیم آغاچ تَكره

اویسا توتمادیغیم تویومدا؛ چالینان قاوالا

و

دلی‌خانایا!

همیده آدامجیل قوردلارین اولاماسینا

آرتیق زامانی گلمیش!

 





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/2/9 | یازار : taymaz ocaqlu
+0 به‌‌یه‌ن

 

       گوونج

من بیر گونه‌باخانام

ده‌نه‌لریمی قارقالار اوغورلاماسین دییه

باشیما بیر شالپا دولاییبلار

جیندیر آستیندان[1] دویورام ایشغی

ایستینی



[1] - آلیتیندان


              






گؤنده ر 100 درجه کلوب دات کام گؤنده ر     بؤلوم لر: قوشوق (شعر)
+0 به‌‌یه‌ن

آنالار و آتالار یئر تانری‌لاری

اسكی توركلرین آراسیندا "آتالار دینی" واریمیش. اوشاقلار و بالالار، آتالارین دینینه باش اّگه‌رمیش دییه؛ منجه آتالارین سایغیسینا باخاراق اونلارا قوتساللیق وئریب؛ آتالاری تانری كیمی ساییب و اؤنلرینده دیزچؤكمك اولار. آتانین دؤورسینده یئددی یوخ، مین كره فیرلانیب دولانساق یئنه‌ده آزدی.

گئنه قاییداق اسكی چاغلارا! 
آردی وار»»»»

آردی وار- ادامه مطلب
آچار سؤزلر : آتا,

گؤنده ر 100 درجه کلوب دات کام گؤنده ر     بؤلوم لر: اؤیكو (حكایت)
تاريخ : 1391/2/7 | یازار : taymaz ocaqlu
+0 به‌‌یه‌ن

دوغولور بیر حایات؛ اورتا دوغودا

كؤرپه‌لر بیراَر‌بیراّر آچیر گؤزلرین

قارانلیق باخیش‌لار بورویوب بؤلگه‌نی

دورارساق حارامدی اورتادوغودا

كوچه‌لر یوموروق خیاوان هایقیرتی

فیشك‌لر قورخوتمور دوداخلارینی

بو دالغا، دنیزی آست‌اوست ائله‌ییر

اینسانلیق دیریلیر اورتادوغودا

میللت‌لر آییلیب آغیر اؤلومدن

دئوریلیب دوشونجه دئوریلسین هله

گَلَجك بیزیمدیر بیزیم قالاجاق

باخیش‌لار دوزگوندور اورتادوغودا





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/2/7 | یازار : taymaz ocaqlu
+0 به‌‌یه‌ن

چاغداش فلسفه‌میز: "نه اؤلدو وار نه دؤندو!"

سایقیلی دیلداشیمیز و ساوونان فیكیرداشیمزی"بهنام شیخی سامانلی" ‌نی چوخوموز تانییریق. ساحات 9 دان محكمه‌نین اؤنونده حاكیمین (قاضی‌نین) گلمه‌سینی گوزلویوردوك. هر سؤزدن دانیشیردیق. ساحات 11 ی، بیرآز كئچمیشیدی؛ ایچریه چاغیریلدیق. آز زاماندا آنلاتدیریلدیق، دوشوندوكجه داشیندیق. ائشیگه چیخاندا اؤزوم- اؤزومه دئییردیم: " اؤلمك واردیر دؤنمك یوخدور".

بیر آن دویدوم بهنام منه باخیر؛ ائله بیل منیم دوشندویومو ائشیتدیب كیمی؛ سؤیله‌دی: " نه اؤلدو وار نه دؤندو."

درین فیكیرده‌ایدیم. سونرا اؤزوم اؤزومه دئدیم اولا بیلر كی من او جومله‌نی اوجا دئمیشدیم و بهنامدا ائشیتمیشیدی. آنجاق خاطیرلامیرام اوجا اوجا فیكیرله‌شمیشیدیم یوخسا؛ اوره‌ییمدن بو سؤز سئزیلمیشیدی!؟

هر حالدا بو چاغداش فلسفه‌نی یاشامیمیا سوزدورمه‌لی‌یم.





گؤنده ر 100 درجه کلوب دات کام گؤنده ر     بؤلوم لر: اؤیكو (حكایت)
+0 به‌‌یه‌ن

"احمد جاوید" دن بیر اوخومالی قوشوق

من بیر قووام، یوك آلتیندا ازیلمیشم قارداشیم

سئوینج بیلمز بیر محكومام، آه و زاردیر سیرداشیم

دامغا ووروب زنجیرلییب توللامیشلار زیندانا

قارلی بوزلو جهنم‌لر، مسكن اولموشدور بانا

منه دینمه سوس دئییرسن؛ نواختاجان سوساجام

بحرانلارین، هیجرانلارین، محبسینده قالاجام

نییه سوسوم دانیشماییم؛ اینسانلیغدا پاییم وار

منیم آنا وطنیمدیر، تالان اولان بو دیار

نیه سوسوم دانیشماییم تورك یوردودور بو تورپاق

اوغوزلارین، ائلخانلارین، وطنینده كیم‌دیر باخ

سوسمویاجام، قوی آسسینلار، یوك آلتیندا اؤلونجه

تحقیرلره گوله‌گوله؛ دوشمن‌لره گولونجه

سود وئرنده دوغما آنام، بئله دئمیشدی منه

سنی قوربان بسله‌ییرم تورك یوردونا، وطنه

بو دونیادا آزادلیغی، شان شوهرتدن اوستون توت

آلچاقلیغلی، یالتاغلیغی، رذیللیگی سن اونوت

سنین سئوگین وطن اولسون، میللت اولسون، من اولوم

سودوم سنه حارام اولسون، خیانت ائتسن اوغلوم

نئجه سوسوم دانیشما‌ییم، من ائیله‌ییم خیانت

هانی سئوگی، هانی وطن، دئ هاردا قالدی میللت

من بیر قووام یئریم آلتون، سویوم گوموش، اؤزوم آج

آتام محكوم، آنام سائیل، ائلیم هر شیء موحتاج

دیل یارانیب دانیشماغا من دانیشا بیلمیرم

آچ قلبیمی، یار سینه‌می، جییَر وَرم‌دیر وَرم

كورامال تك سورونمكده، دئنن واردیر معنا

نه واختاجان  چورك اوچون؛ گیره‌‌ك هر آلچاق دونا

من تورك ائلین ائولادیام؛ دیلیم، عقلیم، ذكام وار

نه واختاجان گزجكلر، چیینیمزده یاغی‌لار

نه قدر كی حاكیم‌لیك وار، محكوملوق وار، من وارام

ظولمه قارشی عوصیانكارام؛ ازیلسم‌ده سوسمارام

 

سونورام تورك بودونونا (اولوسونا)





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
+0 به‌‌یه‌ن

یاغیش كؤلگه‌سینده دورارسان، ایسلانارسان


یاغیش یاغیر اؤنملی دگیل

اؤنملیدیر یاغین وار

یالین گئت یاغیش آستینا

و گؤیه دوت اوزونو

یاناقلاریندان اؤپمك ایزنینی، دامجیلارا وئر

قوللارینی آچ !‌ باتیدان دوغویا

مسیح كیمی خاج سنی دارا چكیلدیریبدیر سانكی

.....

قار یاغسادا بركتدی

یوموشاجیق، سوعوك، آغ‌آپپاق

چالیش اووجونا آلاسان تانرینین ساچ شوراسینی

...

دولودا ! یاغسا بركتدی

سنین باشینا دوشرك

تاق تاق سسی

آغاج دلنلرین هایقیرتیسینا بنزه‌ییر؛ اورمان دیبلرینده

....

آماندیر

             داشدا یاغا بیلر !





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/2/4 | یازار : taymaz ocaqlu
+0 به‌‌یه‌ن

اینسانلار دونیاسیندا: قوشایاشام‌لار

جانیوارلار ایچینده، حئیوانلار بؤلومونده، "قوشایاشام‌لی‌لار"لا اوزلشنده تانرینین گئنیش و سینیرسیز یارادیجیلیغینا قافا بوزلانیر. قوشایاشاملی‌لاردان اؤرنك اولاراق " قورباغا"نی دئمك اولار. او سولوقدا و قورولوقدا یاشاماغلا، تام اؤزونو بئجه‌ریبدیر.

بو آرادا ایكی آدلی حیئوانلاردا "ده‌وه‌قوشو" یوخسا "ایلان‌بالیغی"‌دا تام ایكی گؤسته‌ریشلرینی فیزیكسل باخیمیندان اورتایا قویوبلار.

ایندی قوشایاشام اینسانلاریمیزلاری تانیاق!؟

آزدان چوخ بئلنجی اینسانلاری هر یئرده گؤرمك اولور. اولاسی‌دیر اؤزوموزده بئله‌نجی‌سی‌نین بیریسی‌ییك. اوزده بیر؛ دالدا بیر! آدینیدا سیاست یوخسا زیرنگ‌لیك قویوروق. یاخشیلیقلا یئرینی دگیشدیرن پیسلیكلردن‌دی بو. اونا گؤره یاخشی یوخسا پیس آدلاندیرماغینا بئله بیر نیسبی آچیقلاما گركلیدیرم: " اولسا دوشمن اؤنونده بو سیاستی قاباغا آپاراق؛ یولداشلیغدا سوخولماسین."

نه ائتمك! بئله اؤیره‌نیلدیریریك. هله‌لیك....

 

قورخوم بودور یوخولاریم دوغرو اولسون

یوللاریمیز اوزاناراق سونسوز اولسون

اومود یوخدور اوزون قولاق آدام اولسون

قورخولودور آداملارین قولاغلاری اوزون اولسون

 





گؤنده ر 100 درجه کلوب دات کام گؤنده ر     بؤلوم لر: اؤیكو (حكایت)
+0 به‌‌یه‌ن

بی‌ایستان (بهستان) ماهنی‌شانین شانلی ماهنی‌سی

100 كیلومتیر " زنگان" شهریندن آراسی وار. دوغانین (طبیعتین) و اؤته‌گین (تاریخین) اَن‌گؤزل یئرلریندن بیریسی‌نی و شانلی ماهنی‌سینی گؤرمه‌گه و گؤز – قولاغینی یئر اؤزونده‌ اولان جننته تاپشیرماق اوچون، زنگاندان 1 ساحاتلیق یول وارینیزدیر.



آردی وار- ادامه مطلب


گؤنده ر 100 درجه کلوب دات کام گؤنده ر     بؤلوم لر: تانیتیم
یارپاق لار: [1] [..] [10] [11] [12] [13]
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :