+0 به‌‌یه‌ن
ساعات ایكی سوچو
چینقیرتیلی ساعات (1) كیمی كؤكله نیرم یاشاماغا. دونه نیم بو گونكو كیمی یارین بو گونكو كیمی. جانقاپان (2) اسیرگه میش اؤلومو مندن. "هاراگیری" نی (3) سئویرم دوغوموم كیمی.
بوسبوتون بكله نتیلریمله تانری بكله نتیلر ایچه ریسینده یم.
گئجه اوچونده ساعات قیشقیرتیسیندا اؤلمه لیم.
ساعات ایكی ده ساعات اینتیحار ائتدی. طاقچادان آتدی اؤزونو كئفلی ساعات. ساعات اؤلوم یازیسیندا ائگزیستانسیالیست (4) اولدوغوندان یازاركن آداملار منی ندن یاراتمیشلار ؟ سوروشموشدو .................... ر اؤزوندن.
اونون بئینینده اولان ایكی سورقوسو واریمیش:
بیر: زامان كئچیر منیم ایشیم نه چوخ وئجسیز (5) ایشدیر. زامان گؤرسه دن !!
ایكی: یاتانلاری اویاتماق! و اؤزونو یوخویا وورانلار نه چوخدورلار! گئنه ده وئجسیز بیر ایش.
.... نهایت منیم یییه م (6) منی اؤلدورن سانیر.
من وئجسیز بیر یارانمیشام
ساعات ایكی ده اؤزومو تونلایاجاغام طاقچادان.
........
آمان ! سول وریمده یاشایان ملك بیر سوچ (7) داها قازدی طومارمیدا. "ساعات ایكی سوچو!! "ساغ وریمده (8) یاتاغان ملك آریقلاییبدیر. ساعات ایكی سوچونو دونیانین ان بؤیوك گوناهی - آدام زامانیندان ایندیه قدر - سانیر سولملك.
ساغ ----- سول ملكین اورتاسیندا "اورتاملك" سانیرام اؤزومو... .
ساغ آقدیر. سول قارا. اورتا بز (Boz) (9).من بوزملكم.
"آدام اؤلندن سونرا آداملیق اؤلدو " بونو بوزملك دئییر.
" چینقیرتیلی ساعات اؤزونو اؤلدورندن سونرا منه زامان اؤلدو." من دئییرم. او آندا قیامت اولمویاجاق. بوزملك سوچلودورسا اؤنمی یوخ!!
لای لای لای لایلای
بو گؤی گؤلده اوزه رم
گؤیده اولدوز دوزه رم
وئر منه سن اللرین
یات یوخون اولسون شیرین
لای لای لای لای لایلای
یات ساعاتیم یات. دینجل بو قدر باشیوا دؤیدون منی اویاتماغا. شووه رنلر (10) یوخوسونو پوزان یئللرین سینلیگینده (11) قویلایاجاغام چینقیرتیلارینی. دیده جه یم (12) قوپوزون تئللرینله. یاندیراجاغام ساری گلین مئلودیسی چالیناندا. ساووراجاغام كولونو قورو گؤللره. گونشدن - آیدان - اولدوزدان یئزمیش سون گئجه نده " نیهیلیست" (13) ثانیه لره لعنت اولسون.
********
اتك یازی
1- چینقیرتیلی ساعات = زتگلی ساعات
2- جانقاپان = عزرائیل ملكی
3- هاراگیری = ژاپونلولارین قوتسال اؤلومو. (خنجر ایله قارینی سؤكوب بیدارلاماق)
4- ائگزیستانسیالیست = هستی‌گرایی
(Existentialism) اصطلاحیست كه به كارهای فیلسوفان مشخصی از اواخر صده
نوزدهم و اوایل قرن بیستم اعمال می‌شود كه با وجود تفاوت‌های مكتبی عمیق در
این باور مشترك اند كه اندیشیدن فلسفی با موضوع انسان آغاز می‌شود نه
صرفاً اندیشیدن موضوعی. در هستی‌گرایی نقطه آغاز فرد به وسیله آنچه "نگرش به هستی" یا احساس عدم تعلق و گم گشتگی در مواجه با دنیای به ظاهر بی‌معنی و پوچ خوانده می‌شود مشخص می‌شود.
5- وئجسیز = فایداسیز - خودورو یئره
6- یییه م = صاحب - مالك
7- سوچ = گناه
8- وریمده = طرفیمده
9- بز Boz = رنگ خاكستری
10-شووه رنلر = شوورن = بیر نوع بیتگی (گیاه) - خاكشیر
11- سینلیك = مزار - قبر
12- دیدمك = تكه پاره كردن .
13 - نیهیلیست- نیهیلیسم اوخولون (مكتبین) یولجوسو. پوچگرا
گؤنده ر
بؤلوم لر:
اؤیكو (حكایت)
+0 به‌‌یه‌ن
كندیمیزده نئچه ایسماییل آدلی كتداشیمیز واریدی. بونلاری بیری بیریندن تانیتماق اوچون هر بیریسینه بیر تاخما آد دا وئریلمیشدی كتدیلر وریندن!
- قولو اوغلو ایسماییل
- ایسی جان
- خیرخیر ایسماییل
- و سونونجو بیر گؤزلو ایسماییل.
بیر گؤزلو ایسماییل اوشاغكن گیردكان (جئویز) آغاجیندان دوشرك بیر لاخا (بوداق) گؤزونو اویوب كور اولور. آنجاق گنج یاشلاریندا ایلك آدام كی بیر قازی ماتور آلیر كندیمیزه گتیرمیشدی ائله بو بیر گؤزلو ایسماییل ایدی.
بیر گون كردی یار ( بیر نووع اكینچیلیك آراجی) چكیردیك زمی ده خبر گلدی بیر گؤزلو ایسماییل آرواد و ایكی اوشاغی ایلا ماتور اوستونده گئده گئده ییخیلیبلار! آنجاق هئچ نه لری اولمویوبدور.
ایش بئله اولموشدور كی اونلار یئرلری اوستونه ماتورایلا گئتمك قرارینا گلیب لر. یولدا بیر آن بیر كورامیلچك (میغمیغا) بیر گؤزلو ایسماییلین او بیریسی گؤزونه گیریر و ایسماییل ال آیاغینی ایتیریب ماتورو یئره چالمیشدی.
سونرالار اؤزوده بو اولایا برك گؤلوردو. دییه ری : " او كور من كورو گؤرمه دی!؟"
گؤنده ر
بؤلوم لر:
اؤیكو (حكایت)
+0 به‌‌یه‌ن
یئتگینلیك (1) چاغی
گئنه‌ده بو گئجه یئك (2) گؤزل بیر قیز دونون‌دا (3) یوخوسونا سئزمیشدی (4). سویوخ قیشین اورتا آیینین ایلك (5) گونلریندن بئله‌نجی یوخولار باشلانمیشدی. ساری دونلو بیر قیز و دونیادا گؤیچكلیكده اونا تای اولماز؛ نئچه كره (6) یوخوسونا گلیردی اوره‌یی یئریندن چیخیردی. سئویشیردیلر و بیر آزدان سونرا بدنینین تیتره‌مه‌سینه گؤره یوخودان قالخییب دوشونوردو كی گئینه‌ده آلدانیب اؤزونو باتیریبدیر. بو ایشه لاپ چاشمیشدی! نه اولاجاغی دوزگون آنلامیردی. یئتگینلی‌یه گؤره آزدان چوخدان ائشیتمیشدی آنجاق هله 14 یاشی اولمامیش‌ایدی! نئجه اولار بیر اوغلان 15 یاشی اولمادان یئتگینله‌شه!؟
گؤنده ر
بؤلوم لر:
اؤیكو (حكایت)
+0 به‌‌یه‌ن
ساتقین و ساتیلان !! هانگی‌سی سوچلودور!؟
بؤلوم : اؤیكوجوك
باشقا اوخول‌اوتاقلاری (1) كیمی بیزیم‌ده اوخول‌اوتاغیمیزدادا نئچه دینج اوتوماز (2) اوشاق واریدی. اونلارین باشچی‌لارینا دؤرد نفر اولدوغونا گؤره دؤرتلوك دییردیلر. گونده بیر فیریلداق و اویون بزه‌ردیلر و اؤزلریندن سووای آیریلارینی‌دا پیس گونه سالاردیلار. او گونده بو دؤردلوك قوروپو پیچیلداشیردیلار. بئله گؤرنوردو یئنی بیر پیلان حاضیرلاییردیلار. بوینو یوغونلاری آیاغا قالخیب اؤرگتمه‌نین اوتوراجاغینا ساری گئدیب اووجوندا اولان سانجاقلاری چیخاری‌وئردی (3) و دیققتله اوتوراجاغین یوغروق (4) دریسینین آستیندا (آلتیندا) یئرله‌شدیردی و اوشاقلارا بوزاراركن جولو بارماغینی بورنونون اوستونه - سوس سیمگه‌سی (5) اولاراق- آپاریب گئری دؤندو یئرینه اوتوردو. اوشاقلار پیچیلداشدیلار آنجاق بیریسی‌نین جینقیری چیخمادی. هامی باشینی آشاغی سالمیشدیر و نه اولاجاغی!؟ گؤزله‌ییردیلر. چوخ چكمه‌دن اؤرگتمن قاپینی آچیب ایچری گیردی. اوشاقلار سایقی اولاراق آیاغا قالخدیلار و اؤرگتمن اوتراجاغا ساری گئدیب اوتوردو.
گؤنده ر
بؤلوم لر:
اؤیكو (حكایت)
+0 به‌‌یه‌ن
یك
داستان فضایی كاملا تخیلی
در
این داستان با جملات از این دست برخورد خواهید كرد؛ پس تا آخر بخوانید.
* در نظر آنها دزدی، رشوه، آزار دیگران، قتل، استبداد و ... اخلاق
خوب و امانتداری، نیكی، خوش اخلاقی و ... اخلاق بد محسوب می‌شدند.
** گفتند: ما كه آدم نیستیم تا حقوق بشر داشته باشیم!
*** در آنجا هیچ زندانی وجود نداشت قوانین جزایی نیز كاملا فرق
داشتند.
**** توان درك آنها را نداشتم. اما ناگهان از انتهای صف فریادی
بلند شد: آهای!؟ این چه وضعیه!؟
---------------------------
گؤنده ر
بؤلوم لر:
اؤیكو (حكایت)
+0 به‌‌یه‌ن
تمبل اوشاق اؤدول آلدی
گؤنده ر
بؤلوم لر:
اؤیكو (حكایت)
+0 به‌‌یه‌ن
هر
دن بیر بالتانی ایتیلت
ایكی
یولداش آغاج قیرماق ایشینه باشلاییرلار. ایشین یییه‌سی اونلارین هر بیریسینه بیر
بؤلوك آغاج كسمه‌ك اوچون 10 گون زامان وئریر.
سحر
تئزدن ایكیسی ایشلرینه باشلاییرلار. گون باتانا قدر بیریسی 16 آغاج ایسه او بیریسی
12 آغاج قیریر. گئجه بیر بیری ایله دانیشیرلار. 16 آغاج كسن آدام دئییر: یولداش سن
بئله ایشله‌سن‌سه ایش یییه‌سی راضی اولماز. من دینجه‌لمه‌دن دورمادان ایشله‌ییرم و
بونا گؤره چوخ یاخشی قاباغا گئدیرم. ایسته‌میرم سنی ایشدن چیخارتسینلار.
12
آغاج قیران اونا یاخشی گئجه‌لر دییر و یاتیر.
هابئله
5 گون ایشله‌ییرلر و 16 آغاج كسن اینسان بو 5 گونده یولداشیندان چوخ آغاج كسیر.
آنجاق 6- اینجی گوندن سونرا ایشلر تام ترسینه اولور و گونده 12 آغاج كسن كیشی
كسیلن آغاجلارینین ساییسینی گونده 15 دنه‌یه یئتیریر و 20 آغاج كسن گونده هئچ
بارماق ساییسینا یئتیرمیر كسیلن آغاج‌لارینی.
سونونجو
گون ایشین یییه‌سی اونلارین ایشلرینین باشینا گلیب و ماعاشلارینی وئرمك ایسته‌ییر.
آنجاق گؤرور كی 16 آغاج كسن كیشی چوخ اینجیك و قان تر ایچینده تَلَسیك ایشله‌ییر و
بالتانی نه قدر گوجو وار آغاجلارین قوروموش بئللرینه سالدیریر آنجاق ایشدن چوخ
دالیا دوشوبدور. سونرا او بیری كیشینین یانینا گئدیر و گؤرور چوخ راحاتجاسینا
اوتوروب چایینی ایچیر و بالتاسینی ایتیلدیر. ایش یییه‌سی سوروشور كی: آ قارداش!
ائله بیل ایشینی قورتاریبسان‌می!؟
آدام
دییر: دؤرد آغاجی كس‌سم داها ایشیم سونا چاتیر.
ایش
یییه‌سی سوروشور كی نئجه اولدو بو ایش!؟ ایلك گون‌لرده سن چوخ یاواش ایشله‌ییردین
و یولداشین چوخ گوجلو و ایش بیلنلر كیمی چابا گؤرسه‌دیردی. نئجه اولدو كی سیز
ایكینیزده بیر گونده ایشی باشلادینیز آنجاق سن تئزراق قورتاریرسان!؟
كیشی
سؤیله‌ییر: منیم یولداشیم ایشینی چوخ تئز قورتارسین دییه بالتاسینی ایتیلمه‌ییر و
اؤزوده دینجه‌لمه‌ییر. آنجاق منیم بالتام همیشه ایتی و اؤزوم دینج ایشله‌ییرم.
گؤنده ر
بؤلوم لر:
اؤیكو (حكایت)
+0 به‌‌یه‌ن
سیلیك (1)
گؤنده ر
بؤلوم لر:
اؤیكو (حكایت)
+0 به‌‌یه‌ن
سایین یولداشلار. بو اؤیكومو بوردا یازماقدان چوخ عوذر ایستیرم. آنجاق
آلله هامی‌یا دوزگون یولداش پای وئرسین. دَیَرسیز یولداشلاری بیزدن اوزاق ساخلاسین
اصغر
كیمی یولداش
گؤنده ر
بؤلوم لر:
اؤیكو (حكایت)
+0 به‌‌یه‌ن
اوشاق دئدی: آجام!
دئدی: سوس! سوسماسان سنی آتاجایام پیشیك
یئسین!
دئدی: آنا! اودا (پیشیك) آجدی؟
دئدی: بلی!
دئدی: بس آت قوی یئسین!
قایناق: http://www.uzunkuca.blogfa.com/post-184.aspx
گؤنده ر
بؤلوم لر:
اؤیكو (حكایت)
+0 به‌‌یه‌ن
قوزئی
قوطبدا یاشایان اوبالارین اووچولارین ان ماراغلی و اؤنملی اووچولوقلاری ؛ قورد
اووچولوغودور. اونلارا بو ایش چتین اولدوغونا گؤره بیر جه‌لیك (زرنگی بی‌شرمانه)
یول ایله بو ایشی گؤرورلر.
اونلارین
اسكی بابالاری ایتیلمیش خیرداجا بیچاقلاری، چاناخلارین دیبینده دیك یاپیشدیراندان
سونرا (یونقا كیمی = رنده كیمی) آزجاجیق قان دولدوروب، او چاناغی قورد گزن یولاردا
قار ایچینده باسدیرارمیشلار. قورد قانین اینسی‌سینی دویوب او چاناخلارا یاخین
اولور. ایندی قورد قانین اینسی‌سیندن بوسبوتون هوش‌باشینی ایتیرمیش كیمی‌دیر. دیلی‌ایله
قانی یالاییر آنجاق دوشونمور كی دیلی یارالانیب و همن یارالاردان قان آخیر چاناغا
دولور و اؤزو او قانی ایچر. بو قان ایچمك 20 دقیقه‌دن اوزون سورمور. ایندی قورد
یئره دگیب، آغزی بورنوندان قان سوزولور. یاشامینین سون دقیقه‌لری‌دی. اووچو باشینین
اوستونده دوروب و قورد اونون الینده‌كی بالتایا گؤز تیكیبدیر. بالتا گؤیه قووزانیر
و تارپ ... سسی گلیر.
سیزجه
دیل اووچولاری! چاناخلارینا نه دوزوبلر!؟
گؤنده ر
بؤلوم لر:
اؤیكو (حكایت)
+0 به‌‌یه‌ن
سؤز وئرمه!؟
هله
اوونمامیشتیم. آنجاق هؤنكورهؤنكور آغلاماخدان سونرا؛ ایندی بوغازیم هیق – هیقا یول آچمیشیدی.
دیزینین اوستو ائله راحاتیمیش كی اونوتموشدوم نئچه دقیقه‌لردی باشیمی دیزینه آلیب؛
اللری‌ایله باشیمی و دالیمی اووكه له‌ییردی.
بیلمه‌دیم
ندن اؤزومو ساخلایا بیلمه‌دیم هابئله دویغوایله بوغولدوم. سونرا گؤزلریمدن شئه
پارتلاییشینی ائشیتتدیم. گؤز یاشلاریمی گیزلتمك اوچون باشیمی آشاغیا دوتدوم؛ آنجاق
دالیمین تیتره‌مه‌سینه هئچ چاره قیلامادیم. یئریكله‌میشیدیم دویونجاق آغلاماغا آنجاق
اوتانماق اونا مانیع اولوردو.
ایكی
اللرینی ساغ سول قولومون آستینا باغدی؛ برك سیخدی و ماهینا اَلیمه دوشدو. داها
اؤزومو ساخلایا بیلمه‌دیم. او هئچ نه دانیشمادی. من موطلق سوكوتدا آردیجیل آغلادیم.
ایندی
دویونجا آغلایاندان سونرا؛ بیر دونیا اوتانج جانیمی سارمیشیدی. بو اوتانج بوتون
گوجومو سوموردو. نئجه یاخشی اولدو كی گؤزوم‌گؤزونه دوشمه‌یه‌جك! آخی اوتانیردیم
گؤزلریندن. اوچرا ایكی ایل بوندان اؤنجه قاراگؤزلرینه دیك و دریندن باخاركن؛ سؤز
وئرمیشیدیم؛ آرخاداش كیمی دالیندا دوراجاغام. ایندی من اونون اؤنونده دیز چؤكموش؛
باشیمی دیزلرینه قویوب و باییلمیش كیمی‌ام.
گؤنده ر
بؤلوم لر:
اؤیكو (حكایت)
+0 به‌‌یه‌ن
ائی
گؤیلرده اولان آتا ! - لئاندرو اوروینا
"گروهبان"
اوشاغین باجیسی‌ایلا آناسینی دیندیردییی زامان، "سروان" اوشاغین اَلیندن
یاپیشیب اونو او بیری اوتاغا آپاردی.
-
"ده‌ده‌ن
هاردا ؟"
اوشاق
دیل آلتی –
" گئدیب
گؤیه"
دئدی.
-
" نه‌مه‌نه
!؟ اؤلوبدور؟"
كیشی تعجوبله سوروشدو.
-
"یوخ!
آتام هر گئجه گؤی‌دن آشاغی گلیر؛ بیزینله شام یئییر."
سروان
گؤز گزدیریب تاوانداكی (سقف) بالاجا قاپینی گؤردو.
گؤنده ر
بؤلوم لر:
اؤیكو (حكایت)
+0 به‌‌یه‌ن
تانری
لاپ یالنیزدیر
بیلمیرم
من نه قدر دین و مذهبله باغلی اینسانام. آنجاق چوخ چاغلار توپلومسال داورانیشیمدا
و اینسانلار آراسی ایلگی- علاقه ساخلایاندادا؛ منه سئكولار دئییرلر. هردن بعض اینسانلاری گؤرورم اؤزلرینی
دین اوچون سانكی برك باغلیلیغلاری وار تانیتدیریرلار. آنجاق یئری گلنده دین، مذهب
و تانرینی‌دا ساتیرلار.
بوردا
اینانج سورونو اورتایا چیخیر. منیم اؤز مسلكیمه اینانجیم وارسا؛ اونلارین اینانجی
تانریلارینا و مذهپلرینه آزدیر. ایستیرم بیر اؤرنك دییه‌م.
اردبیل
شهرینه گئدیردیم. صوبح آذانیندا آرابا ساخلادی و سوروجو اوجادان هایقیردی: "ناماز،
ناماز". هامی یاتمیشیدی و اوچ – دؤرد نفر بویان – اویان اولدو و یئنی
دن یاتدیغی صندلی‌لرین ایستی قوجاغینا سؤیكندیلر.
بیر آن
تانریا اؤرگیم یاندی. ایچیمدن بیر سیزیلتی قالخدی. " دوغرودان تانری چوخ
یالنیزدیر" ؛ دئدیم.
تانرینین
آدی‌ایله حاقسیزلیق ائدنلر؛ تانریا گؤتلرینی چؤندردیلر. آجی گولدوم. سوروجوده گؤردو
هئچ كیمسه یئنمه‌دی؛ ویته‌نی[1]
بیره آتدی و یولا دوشدو. گون چیخمیشیدی و من هله اویاغیدیم.
گؤنده ر
بؤلوم لر:
اؤیكو (حكایت)
+0 به‌‌یه‌ن
بیر اؤلموش ائله بئل باغلاما
قلینجین
قانینی بیر اؤلونون توز- تورپاقلی كؤینه‌یینله سیلیردی. ایگید یوزباش بو ساواشدادا
ظفر قازانمیشیدی. گؤزلرینین پاریلداماسیندان سئوینج یاغیردی.
چتین
گونلرینی خاطیرلاییردی. آتاسی اؤلندن سونرا 8 آدامین بئجه‌رمه‌سی، اونون بوینونا
دوشدویونو و بو آغیر گؤره‌وی یوك كیمی اؤز آرخاسیندا حیس ائتمه سینی؛ گنجلیك
چاغلارینا باخمایاراق؛ تئز آنلامیشدی.
ایندی
10 ایل باسقی و سیخیتنیلی گونلریندن گئچیب و او شاه-ین اوردوسنون یوزباشی اولوبدور
و نئچه‌نئچه ساواشلاردا یاغی‌لارا قان اوتدوروبدور.
قیلینجینی
ایكی اَلیله برك یئره سؤیكه‌دی و اونا سؤیكه‌نه‌رك آیاغا قالخدی. قوردسایاق
گؤزلرینی اوردوسونا ساری دوتدو و اونلارا باخدی. هامی گؤزلویوردو نَسه، نئچه سؤز دانیشسین. باشینی ساغدان سولا اوردونون
باشلانقیجیندان سونونا قدر ترپتدی. اؤزواؤزونه " چوخ اؤلو وئردیك" دییه‌دییه
؛ "ساغ اولون" دئدی و قلینجی قینینا سوخدو و آتینا ساری آددیملادی.
اوردونون
دینجی چیخمامیش گؤرونوردو. ایندیه‌جك، اوردودا هئچ كیمسه اونون گولمه‌سینی گؤرمه‌میشدی.
آمما هامی اونو سئویریدی و اؤل دئسه‌یدی؛ اؤلردیلر. چوخ ساده جومله نظره گلیر آنجاق
ائله بو ساده سؤزونن فدا اولانلار چوخ ساییدا اولموشلاردیر.
اوردونون
اورتاسیندان بیر گنج عسگر، سنگرداشیندان سوروشدو: بو یوزباش ندن بئله‌دی!؟ یانیت
وئریلدی: شاه اونا یوزباشلیق حؤكمونو وئرنده اونا امر ائتمیشیدی كی ساواشلاریندا
اؤلدور آنجاق اؤلمه! ایندی‌یه‌دك چوخ درین و آغیر یارالانیبدیر آنجاق هئچ
اؤلمویوبدور.
بیزیم
اوردو موعجیزه‌دیر قانداش.
گؤنده ر
بؤلوم لر:
اؤیكو (حكایت)