+0 به‌‌یه‌ن
دییه‌سن توتساق‌دا سنه داریخیب
سنینله توتساقلی اولماق ایستیرم
قازیلمیش آلنیندا سكگیز قانادلی
اولدوزلار سیمگه‌سی آیلار پاراسی
بیر اؤپوم آلنینندان دیز چؤكوم اؤنده
میللت سئونی منده سئویرم
سن یاراندین آدلاردا قالدین
دوغرونو یالانی آندین آنلادین
گؤنده ر
بؤلوم لر:
قوشوق (شعر)
+0 به‌‌یه‌ن
قارا یازی
یازیرام قوشوقلاری ایتیرم من یازیلاردا
بوغولور مین سارایین گؤزلری چایدا
گؤزگولر سیندیریلیر دیل كسیلیر
اولویور قوردسایاق بیر دلی‌آیدا
سئوگیدنده یازیرام سئوگی چؤكور
اؤلولر بیربیرینین قانلی دوداقلارین اؤپور
تانری، شیطان و آدام اوچلوكده
حووا آدلی قادینی ساتین بؤلور
یازانین سون نفسیینده اؤلولر بیرده اؤلور
غوربت ائلده دیری‌لر بیر بیر اؤلور
صمدین قولتوغو آستیندا دیلیم
یولونو دوز گئدیر آنجاق دیری دؤنمور
آدی باتمیش بیر ائلی یازدا یازیر
اؤلولر باسدیریلیر دیریه قبیر قازیر
سوروشور، سؤیله‌نیلیر، هاممی دییر
یازانین ندن بئله قارا یازیر!؟
گؤنده ر
بؤلوم لر:
قوشوق (شعر)
+0 به‌‌یه‌ن
آچون (دونیا)
دوردوغون یئردن قاچماق ایسته‌سن‌سه
هارا گئتمك ایسته‌ییرسن
گئتمه دور
چؤزولمه‌میش تاپماجا اول
گئتمه‌لی‌سن گز و دولان
باشلادیغین یئرده گینه دورما دولان
گونو گونلر
آیی آیلار
ایلی ایللر
سانا تئز تئز
و داها هیزلی دولان
دولانباجی
سنین آنجاق جیزیغین وار قاچامازسان
نئجه قاچسان چاتامازسان
میلیون یوك قوجاغیندا
و بئشیك تك دیری‌لر یوخلادیسان
اوینادیرسان
تكرارلانان گئت‌گل‌لرله آلدادیسان
یئنی ایلین قوتلو اولسون موتلو اولسون
دولانباجی
گؤنده ر
بؤلوم لر:
قوشوق (شعر)
+0 به‌‌یه‌ن
بیر قیسیم توپراق تؤك قبیریمه
قوی بارماقلارین ایزی قالسین توزلاریندا، توپراقلارین
او آندا كی اؤلموشم من
قبیریمده یاتمیشام من
او توزلارلا سئویشیم من
من‌لی‌ییمدن چیخان آندا
توپراق اولوم ساریشیم من؛ او توپراغین قوینونا من
زامان كئچسین
قیامت‌ده توزلار منیم روحوم اولار
منی دوغار
توزلار منه اوره‌ك اولار
***********
قیسیم = معیاری برابر با یك مشت (بیر قیسیم توپراق = مشتی
خاك)
ساریشماق = در هم آمیختن –
پیچیدن
قوینونا = در بغل - در آغوش شدن.
گؤنده ر
بؤلوم لر:
قوشوق (شعر)
+0 به‌‌یه‌ن
آدام سویو
دئییرلر كی آداملاردا آدامیلیغین سؤزو قالیب
آداملیغی یاندیریبلار كؤزو قالیب
دونن آخشام مئساژ گلدی یان‌تئلفونا:
"
قونشولوغدا بیر آدام وار
اینسان كیمی یاشاییری "
اینسان! واردی!؟ آدام كیمی یاشاییری!!؟
موعجیزه‌دیر بئله خبر !
بئله‌نجی بیر خبرلری یایما بئله
قوی بیر اینسان قالسین بیزیم اؤلكه‌میزده
گؤنده ر
بؤلوم لر:
قوشوق (شعر)
+0 به‌‌یه‌ن
آغلارسا، آنام آغلار آردئمنان
ائللر
نه بیلیر نه چگیرم ایچیم نن، یانا یانا
یاشار
كن بیردن یوخ اولدو آنام یانئمنان
هر
آن قوخلادئغیم گولو آپاردئلار باخا باخا
سئللر
نه بیلیر دیلیم قورویوب، دولاشئر چاشا چاشا
یادئما
دوشور باغرئما باسدئغیم آنام جانیمنان
سس‌سیز
سمیرسیز باخیرام ویرانا لارا قالا قالا
گؤزلر
نه بیلیر آغلار قالیب اؤره‌گیم داغا داشا
بیردن
كولك استی قوپاردئ جانیمی جئیرمی جانیمدان
«سودا»
آغلارسا ، آنام آغلار آردئمنان باخا باخا
گؤنده ر
بؤلوم لر:
قوشوق (شعر)
+0 به‌‌یه‌ن
سئوگی‌سیز قوشوق
سئومیرسن‌سه !
تانریندان‌دا منیم اوچون اؤلوم ایسته
اؤزوم اؤلوم سن ایسته‌سن منده اؤل‌لم
آجیمارام قارقیشلارین منی توتسون
سؤیلو‌یرم خاطیرلاییر هله منی
اوچرا سنی من سئویرم
كوسوبسن‌سه !؟
بیر كره گل اوزون گؤروم
سونرا منیم ائویمی ییخ
ییخدین گئتمه
ییخدیردیغین ائویمین سن بایغوشو اول
اوخو گینان من باییلیم
كوللویومون تك سسی اول
اوچرا سنی من سئویرم
*********
اوچرا = چونكو
بایغوش = جغد –
بوف
باییلیم = از هوش رفتن –
بیهوش –
واله و شیدا شدن
كوللوك = محلی كه در قدیم خاكستر در آن می‌ریختند- ویرانی
حاصل از آتش‌سوزی
گؤنده ر
بؤلوم لر:
قوشوق (شعر)
+0 به‌‌یه‌ن
سنی سوزدوم ایلمه‌ایلمه گؤزلریمدن
قوخلاییرام شئه قوخوسون گؤزلریندن
اورمو گؤلو بنزه‌ریدیر سنین گؤزون
آسیر دامجی كیپریكلرین
آخیت سوزسون
آغلاماقدان ندن بئله چكینیرسن!؟
یازیغلیغیم گلیر سنه
بیراخیرسان منی یالنیز
یالنیز منی
گؤزلرینده بوغولموش بیر جیلخا منه بیراخیرسان!
آغلاگینان
سیلسین منیم ایزلریمی گؤزلریندن
منده آخیم یاناغیندان
اؤپوم آخیم دوداغیندان
منی اونوت گؤزلریندن
گؤنده ر
بؤلوم لر:
قوشوق (شعر)
+0 به‌‌یه‌ن
یئر كوره‌نین یاریسی گئجه‌دیرسه یاریسی گوندوز اولماقدادیر
بیزیم ایچین پای وئرم‌ه‌یی ایسته‌ییرسیز!؟ آی‌ی‌ی
قارداشلار
دونیامیزا هانسی گونو پایلاشیریز
بیزی سئویب! ساتاشیرسیز
یوخسا ندن آلچاقلاییب آتیشیرسیز!!؟؟
نئیسه !
یئرده بیزه دار گونلری پایلاشیری
گؤیدن یاغیر یئردن آخیر
بیز اؤلورك تانری باخیر
تانری باخیر قونشو باخیر
دؤولت باخیر دؤولت یاتیر
یوردوموزو اوره‌كلره باغلامیشیق
سانكی آیین اولدوزولارا ساپلامیشیق
یئر تیتره‌دی اوركلری سیلكه‌له‌دی
گؤز قیرپمادان چؤكدو دیزلر
ایتدی ایزلر اؤلدو بیزلر
بیزیم ایچین پای وئرم‌ه‌یی ایسته‌ییرسیز!؟ وطنداشلار
اؤلكه‌میزه هانسی گونو پایلاشیریز
بیزی سئویب! ساتاشیرسیز
یوخسا ندن آلچاقلاییب آتیشیرسیز!!؟؟
نئیسه !
گؤنده ر
بؤلوم لر:
قوشوق (شعر)
+0 به‌‌یه‌ن
تولد یك زلزله ، مرگ هزاران نفر
چندین
ساعت است كه زیر تلی عظیم از خاك، چوب و سنگ گیر افتاده است. دیگر از آن غرش عظیم
زمین با مخلوط گوشخراش فریادها و ضجه‌های زنان و كودكان روستا كه "علی" (ع) و "ابالفضل" را
مدد می‌خواستند خبری نیست. سكوت محض!
گؤنده ر
بؤلوم لر:
قوشوق (شعر)
+0 به‌‌یه‌ن
قبریستان دولوسو
قار یاغیر
جومجولاق هذیان‌لاریم
مزاریندا گیزله‌نیب!
اؤلولرین بارماقلارین آراسیندا
مینی‌ژوب گئین بیر قادین سنه اویناییر
تله‌سیك‌ده، دالبادال ایچیب قورتارما
ایستیكان‌لاری‌نین گیزلی سس‌لری
دیكسندیریر اوره‌ییمی
شهوتلی بیر جینایت دیب اوتاغیندا
دوشمه‌لی دئییل والله!
اوزونه یاخین‌لاش
آیری فیلیم
باشقا دیل‌ده
پرده‌یه چیخاجاق
قورخما
ال‌لریمدن توتان ال‌لری
شاختا دوندوروب!
دیل آنلاماز بیر اؤلوم
قارانلیق گؤزلریمده
قاچا - قاچا دوشوب
آدسیز
آدام‌سیز
تاپ
توپ
تاپ
توپ
تاااااپ
تووووپ
قالخ آیاغا به آخی
سنی سسله‌ییر
چیراق آل گلنده
گون آراسی
قارا بؤیوك بولودلار
حیاتیم‌دان كئچیر!
قایناق:
http://www.fereshtehrasouli1.blogfa.com
گؤنده ر
بؤلوم لر:
قوشوق (شعر)
+0 به‌‌یه‌ن
سنی تانریا
یوخ !؟ لاپ اؤزونه تاپیشیریرام
ندنسه!؟
تانری یارانیر یئنی‌دن سنده
و سن لاپ یالنیز
تانری روحوندا یاشاییرسان
همن !
یوكونج ائت گوزگو اؤنونده دوران تانریا
**********************************
سؤزلوك:
یوكونج: سجده
تانری = تانگری = الله - خدا
گؤنده ر
بؤلوم لر:
قوشوق (شعر)
+0 به‌‌یه‌ن
سئچیلیمیش: گؤی اوزو داش ساخلاماز پیتیكدن
–
اردشیر روستمی و زهرا قیطرانی
چیچكلر دوغولور بو یاز گئجه‌سی
چیچكلر دوغولور بو یاز گئجه‌سی
بو یاز گئجه‌سینده سئومه‌یه نه وار؟!
درسم گول‌لرینی بو گلن یازین
ساللانیب یئلله‌نسم بوداق‌لاریندان
ائشیتسم آدیمی سئون بیر قیزین
هله اؤپولمه‌میش دوداق‌لاریندان
بو یاز گئجه‌سینده اؤلمه‌یه نه وار؟!
... چیچكلر دوغولور بو یاز گئجه‌سی
اوزاق خسته‌خانا اوتاق‌لاریندا
باشینی دیبچكدن اوزادیب باخیر
یاتان خسته‌لرین هر بیریسینه
هله قورخاق عطری اوتانجاق عطری
قاریشیر اوتاغین یاد اییی‌سینه
درمان اییی‌سینه یود اییی‌سینه
چیچكلر دوغولور بو یاز گئجه‌سی
چیچكلر آچیلیر گولـله سسینه
گولـله آچیلیر
آغ – آغ كؤینك‌لرین یاخالیغیندا
ساغ – سول اورك‌لرین یاخین‌لیغیندا
گولـلر آچیلیر
گولـله‌لر آچیلیر ، گول‌لر آچیلیر
چیچكلر آچیلیر بو یاز گئجه‌سی ...
چیچكلر دوغولور بو یاز گئجه‌سی
پاریس‌ده
تبریزده
حَیه‌طیمیزده
بو یاز گئجه‌سینده چیچك‌له‌یه‌جك
بلكه دردیمیزده حسرتیمیزده
چیخاجاق یول‌لارا چیچكلی قیزلار
نه باخماغا گوج وار نه گؤز یومماغا
نه چیچك وئرمه‌یه بیر كسیمیز وار
نه بیر كیمسه‌میز وار چیچك اومماغا ...
... درسم گول‌لرینی بو گلن یازین
ساللانیب یئلله‌نسم بوداق‌لاریندان
ائشیتسم آدیمی سئون بیر قیزین
هله اؤپولمه‌میش دوداق‌لاریندان
بو یاز گئجه‌سینده
اؤلمه‌یه نه وار؟!
گؤنده ر
بؤلوم لر:
قوشوق (شعر)
+0 به‌‌یه‌ن
بلكی‌ده
قیامت‌ده یاشاییریق
بئله
بیر سؤیلنتی ائشیتمیشدیك دیریلیك‌ده
یاخشی‌لیق
سا غدا 
پیس‌لیك‌لر
سولموزدا
بیر
توپار ساغ یولدا
بیر
توپلوم سولدا ایسه
ایكیسی‌نین
اورتاسی برزخ
بلكی‌ده
قیامت‌ده یاشانیریق
اؤلموشوك
دونن‌كی بیر گونده
دیریلمیشیك
یارینلاردا
تانری
حوضوروندا
كیمسه
باشی آشاغی اوزو قارا
ایشیم‌ایشلدایان
گولر اوزلولر
بلكی‌ده
قیامت بیزی یاشادیر
اوتورموشوق
تانری آچان سینئمادا
یاشامدا
اوینایان فیلیملردی اؤنوموزده
باخان
كیم دانان كیم آغلایان كیم گولن كیم
سوچلار
سیراسین نئجه یاراتدیق!
اییی‌لر
توپلوسو نئجه قازاندیق!
گؤرر
گؤرمز باخانلاریق بیز
ایناندیم
قیامت‌ده یاشاییریق
ایكی
یوخ اوچ سئچیمه توشلاشیریق
نسه
سئچسك اؤز سئچیمیز
بیر
داها بیز اؤلمه‌یه‌جه‌ییك سونوموز بوردا
قیامت
یاشادیر بیزیم یاشامی
....
هر زامان قیامت‌ده یاشاییر اینسان
گؤنده ر
بؤلوم لر:
قوشوق (شعر)
+0 به‌‌یه‌ن
ساواشلی
بوغازلار
فیرلانان
سؤزجوكلر بئینیمده دولور
باغلانیر
آچیلیر
یاپیشیر
پیرتلاشیر
سینیرله
تؤكولور دامارلاریما
اوره‌كده
سومورور قانی ایچینه
سوزولور
دورولور
سئزیلیر
درولور
سؤزجوكلر
توپلاشیر اوره‌ك پارتلاییر
بوغازا
دوغرو قاطار یوللانیر
آپ‌آغیر
سؤزلردی قاطارین یوكو
قیشقیریق
هایقیرتی
دوگون
دوگوندور
خیرتده‌یین
سئنئری اوتقون بویورور
دیل‌ایسه
دیلچه‌ك‌ده پورتلات ایسته‌ییر
هؤرموز
بوغازی سانكی بوغازیم
ساواشلی
آنلار بوغازلاردادی
بیر
آن بوغازدا پارتلاییش اولسا
باش
دوشه‌دوشه
باشا
دوشه‌جك
گؤنده ر
بؤلوم لر:
قوشوق (شعر)