قارانلیقیدان ایشیغا دوغرو
اوجاقلو ماحمودون اؤزبئلاقی
تاريخ : 1393/12/14 | یازار : taymaz ocaqlu
+0 به‌‌یه‌ن

آخ دوداخلارین

                   آخ ! دوداخلارین !

سئوگی دامازلیغی دیر

و دؤشون سئویش یاتاغی

اوزان ! گؤزگومون یاناقلارینی اؤپ

دالغالانان دؤشومون اوسته

              ساغسولوم سنین

              ساغسولوم سنسن

گؤزلرینده!

          لوت؛ 

              خاطیره لریم چیمیر

گؤزلرینده چیمیریک

سن منیم سن من ایسه سنین

گل قاتاق بیربیرینه سئللول لاریمیزی

آی ! دلی بالا!

***

بلوتوثوم آچیق؛ اوره گیم آچیق

آدی؛ سن

بو آخشام دولدوراجاغام سنی

دونیانین ان گؤزل سؤزلریله

داها سؤز، سؤزجوک

                 سؤزجوکجوک

بیچیک، بئله قالماسین.

قوی سنده توکنسین شعرلر یازیلار

***

سنی ازلدن گؤزله سم من

منی سوندا گؤزله سن! بلکه

=======

اتک یازی:

بیچیک Bicik: حرف (الفباء)



آچار سؤزلر : دوداخ سئوگی,

گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1393/9/26 | یازار : taymaz ocaqlu
+0 به‌‌یه‌ن

ال الین اوسته؛ كیمین الی اوسته!؟

ال الین اوسته؛ كیمین الی اوسته!؟ 

اوینا بالام!!

دالیندا گؤرونمز اللری، ناسیل تاپاجاقمیسان!؟

بیلیرسن می ....؟

اللر اویونوندا افسانه لر وار

اوست اوسته اللر؛ دالیوی بوكر

اوره گین سؤكر

آلداتار سنی بو یالان اللر

بو پالان اللر

بیر ال واردی؛ پارا اوینادان

یارا اویلادان

ممه اوینادان

گؤزو باغلادان

جیب سویان ال وار

قارا اللره آرخالانما دور

یولداشین الین یالاندان سیخما

                           ال الین اوسته

                                       بیزیم ال اوسته

 





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1393/7/25 | یازار : taymaz ocaqlu
+0 به‌‌یه‌ن

1

بؤیوك اؤلدورومه دوشونوردو  .....      

                                   ...... قوروموش .....

                                                     زامان گؤزلرینده 

                                       سونسوزلوغا جومموشدو

 2

بیر گؤیرمه میش دن ایچیمده وار

بیر سیحیرلی لوبیا

گؤیرمه یین واختی دگیل

اؤزومله قریبله شیرم اونو دویاندا

روحوم قریبله شیر

بوتون عؤمورو یابانجیملا یاشامیشام دئمك





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1393/6/8 | یازار : taymaz ocaqlu
+0 به‌‌یه‌ن

قارایال

                                         Qarayal

سسله نیر بو باغین قوشو سئرچه سی

Səslənir bu bağın quşu serçəsi

اوخشاییر اوره گی آنالای كیمی

Oxşayır ürəyi analay kimi

اورماندا آغاجلار اسدیریر یارپاق

Ormanda ağaclar əsdirir yarpaq

یاریمین ساچلاری دالغانان كیمی

Yarımın saçları dalğanan kimi

دایاز بولاغین دورور سویوندان

Dayaz bulağın duru suyundan

اگیلیب ایچردیم جئیرانلار كیمی

Əgilib içərdim ceyranlar kimi

داش باخیر گؤزومه منسه اوزونه                

Daş baxır gözümə mənsə üzunə

یار یارین گؤزونه آلیشان كیمی

Yar yarın gözünə alışan kimi

سئویشن قوشلارین قاناد سسلری

Sevişən quşların qanad səsləri

اوچورور فیكریمی ماهنیلار كیمی

Uçurur fikrimi mahnılar kimi

گؤره سن اوپوشور هاردا ملكلر

Görəsən öpüşür harda mələklər

دلی اوغلانین سئوگیلی كیمی

Dəli oğlanın sevgili kimi

اوزون بیر دره بیر ساری گلین

uzun 1 dərə 1 sarıgəlin         

یاراشیر یایلانان بیر مارال كیمی

Yaraşır yaylanan 1 maral kimi

آخیشان قیوریلان آرخی بنزه ییر

Axışan qıvrılan arxı bənzəyir

گولقیزین گؤزوندن ناز سوزن كیمی

Gülqızın gözündən naz süzən kimi

یانیرام گئدنده بو چؤل چمندن

Yanıram gedəndə bu çöl çəməndən

روحومو تنیمدن آلدیران كیمی

Ruhumu tənimdən aldıran kimi






گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1393/4/26 | یازار : taymaz ocaqlu
+0 به‌‌یه‌ن
سئوگی یاغاندا

سانكی یاغیش یاغیر دئمك.

بعضی لری ایسلانماییم دییه سیغیناجاق آختاریر!

بعضی لری چتیر لرینی آچیر ساده جه آیاقلاری ایسلانیر!

بیریسی ایسه قاچیر

او بیریسی تاكسی یه مینیپ گئدیر

باشقاسی دامی ایزوگام اولان ائوین آچیشقاسیندان باخیر!

آنجاق

چوخ آز آدام تاپیلیر

بو یاغینین آلت
ینا گیریر

اوزونو یوخاریا توتور و بیر داملاسیندان واز گئچمیر!

چیچه ییم!!

هفته لردی ایسلانیرام

یامان سویوخ دیمه م وار!!!!!!!!


آچار سؤزلر : سئوگی,

گؤنده ر 100 درجه کلوب دات کام گؤنده ر     بؤلوم لر: قوشوق (شعر)
+0 به‌‌یه‌ن

منه یئریكلیینده نه یئدین آنا!؟
آلچا؟
آلما؟؟
یوخسا تندیرده قیزارمیش املیك قوزو اتی؟؟؟
آلچا یئسه یدین تورشا چالاردیم
آلما یئسه یدین شیرین اولاردیم
املیك قوزو اتی یئمیش اولسایدین
                                سنله قالاردیم

منه یئریكلیینده نه یئدین آنا !؟

منده دؤرد ایز بوراخمیش او قوتسال یئمك
قارشی دوردوم حاقسیزلیغا
وورولدوم تورپاغا
دوغما كندیمدن آتیلدیم قیراغا
و سورگون یاشادیم نه نه !
و بوتون شهرلر دوغمالاشدی منه
منه یئریكلیینده آنام حاووا (حوا) یئمیشدی بوغدا

ایبراهیم ساوالان



آچار سؤزلر : ساوالان, آنا,

گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1392/11/10 | یازار : taymaz ocaqlu
+0 به‌‌یه‌ن

ایتیب باتیپ جهنم اولوب گئتسم ده

كیم بیلیر!؟ "جیگر"

گونلریوین بیر گونون ده

ترسه بیر ساحاتین ایچینده

اووجوندا سوسان مورگولو تئلفون دا

بیر قیسا یاملیق ایچینده

یئنی دن تاپیلاجاغام

سلام گؤزلیم!

نه خبر!؟





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1392/7/5 | یازار : taymaz ocaqlu
+0 به‌‌یه‌ن

كیرایالی قوناق

سنله نم آی قادینلیغی پارچالانمیش قادین

سنی ! هانسی لای لای سوركله ییبدیر كیشی‌ یوخوسونا

بو النمیش كولو كیم ساووردو باشینا

سنده سیغنمایان دونیالار واركن

سرگیلنمیشسن توستولو خیاوانلارا

 

قادینلارین یالنیز اولدوقلاری بیر ائوده یاشاییرسان می!؟

كیرایه لی قوناق اولانلار

سولوق چیرپاراق ایلك كز هانسی ائوه تپیلدیگینی خاطیرلاییرسان می!؟

چوخ ائركن كیشی لر قوجاغیندا تانیدین اؤزونو

بعضن گؤزونو تاوانا دیرییپ سونسوزلوغا باتیرسان

بعضن دومبالیب خالچالارین گوللرینی ساییرسان

قارقیشلی اینله ییرسن

 

اؤزونو سیلن كاغیذ دسماللار كیمی بیرجه‌ لیك سن

قارنی قبریستانا دؤنموش قول قادین

قیرجانان گؤزلریوین یالانچی قوربانلارینا اینانیرمی سان!؟

اوف ...

بو شهرین قول داشیان آرابالاری سنی تانیییرلار

و سن اؤزونو ایتیردین اؤپوشلر یاغینیندا

 

Kirayalı qonaq

SƏNLƏNƏM AY QADINLIĞI PARÇALANMIŞ QADIN

 Sənı ! hansı laylay sürükləyibdir kişi yuxusuna

Bu ələnmış külü kim savurdu başına

Səndə sığınmayan dünyalar varkən

Sərgilənmışsən tüstülü xiyavanlara

 

Qadınların yanlız olduqları bir evdə yaşayırmısan!?

Kirayəli qonaq olanlar

Suluq çırparaq ilk kəz hansə evə təpilsiyini xatırlayırmisan !?

Çox erkən kişilər qucağında tanıdın özünü

Bəzən gözünü tavana diriyip sonsuzluğa batırsan

Bəzəzn dombalıp xalçaların güllərini sayırsan

Qarqışlı inləyirsən

 

Özünü silən kağız dəsmallar kimi bircəliksən

Qarnı qəbristana dönmüş qul qadın

Qırcanan gözlərivin yalançı qurbanlarına inanırmısan!?

Of

Bu şəhrin qul daşıyan arabaları səni tanıyırlar

Sıqnallı elçilər

 

Və sən özünü itirdin öpüşlər yağınında

 

مهمان كرایه ای

با تو هستم! آی بانویی كه زنانگیت تكه پاره شده است

تو را ! كدامین لالایی به خواب مردان انداخته است

و این خاك را بر سرت سرند كرده است

در حالیكه در وجودت جهان نامحدودی وجود دارد

خود را در خیابانهای دود گرفته (شهر) به نمایش گذارده ای

 

آیا در خانه ای كه زنان تنها زندگی می كنند زیست می كنی!؟

گروهی از زنانی كه مهمانان كرایه ای هستند!

خاطرت هست اولین منزلی كه نفس زنان واردش شدی!؟

خیلی زود با خودت در آغوش مردان آشنا شدی

گاهی به سقف زل می زنی و در نامتناهی گم می شوی

گاهی دولا می شوی و گلهای قالیچه ها می شماری

نفرین گونه می نالی

 

بمانند دستمالهای كاغذی كه خودت را تمیز می كنی یكبار مصرف شده ای

ای زنی كه شكمت قبرستان (جنین های مرده ) شده است

آیا چشمان عشوه گرت قربانی های سالوست را باور كرده اند

اوف ....

ماشینهای حمل برده ها (ی جنسی) این شهر تو را می شناسند

خواستگاران بوق زن

 

و تو خودت را در حجم بوسه ها گم كرده ای





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1392/5/13 | یازار : taymaz ocaqlu
+0 به‌‌یه‌ن

قدیر آغاجی اكنلر اوی ی ی ی

........ گوندوز یارانان سوچلار

گئجه باغیش دیله‌ییرسینیز

قانلی اللرینیزه دسمال

یالانچی دیللرینیزه ناماز

حاراما باخان گؤزلرینیزه یاش

یاراشمیر

قدیر آغاجی اكنلر اوی ی ی ی

ایلده اوچ گئجه سوواریلان قدیر آغاج قورودو

آنجاق سیز

سیز اؤزونوزو دونیا اؤزه‌یی تانیرسینیز

تانیتدیریرسینز

سیزی تانری ائوینده

منله كوسن تانریا تاپیشیریرام

نه اولار!!‌

قوی سوچ یارادیم منده

قدیر آغاجی اكیم ائویمده

آنجاق سوواریم هر گئجه

--------

اؤزه‌ك = مركز - كانون





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1392/5/1 | یازار : taymaz ocaqlu
+0 به‌‌یه‌ن

اوتقونما؛ دور!

توپور ساققیز كیمی چئگنی‌ین سؤزجوكلری

                               " بابا نان داد ! "

بابا دئدیگین بو آتا

حارام دیلدن قازانمیشدیر بو نان ی

گؤزوم یئریكله‌ییبدیر

سوتلو چؤره‌گین شكلینی كیتابلاردا گؤرسون

 

آنا

"شیر خشك" - ‌دان ایچیرمه كؤرپه‌لرن

آنا سوتون حارام ائدر آنا دیلین بیلمه‌یه‌نه

ساغ امجكدن، سول امجكدن امیزدیرسن

ساغچی‌لاردان سولچولاردان؛ آد- سان قالماز

 

یئتر گیلن سؤیله‌ییرسن

               " وفادار است سگ چوپان"

سومسوك ایتدن، قانجیق ایتدن، وفا اومما

بیر آزداها قورددان دانیش اؤیكولرده

بیدارلاسین یالان پالان چوبانلارین داوارلارین

ایتلرینی قووالاسین یواسینا

 

بیر جوجوغون اووكه‌لنمیش گؤز پوخوسان

اویخوسوندان قالخان آندا؛ سن قالمازسان

یوخوسوندا

ساتقین‌لاری دوشمنلرین تانكی سانیب

پارتلاییجی باغلیر بئله

اورمو گؤلون كؤرپوسونده

آتیر اؤزون تانك آستینا (آلتینا)

اوندان سونرا سؤیله‌نیلیر

حوسئین ، 

فهمیده !





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1392/1/1 | یازار : taymaz ocaqlu
+0 به‌‌یه‌ن

ایل كئچدی دوندو ایام

آلمادیق دونیادان كام

بایرام‌دا گلدی چیخدی

ایگیدلر سیز نه بایرام




آچار سؤزلر : بایرام,

گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/11/22 | یازار : taymaz ocaqlu
+0 به‌‌یه‌ن

          یوردوموز بیزی چاغیریر

 

قورخموشوق‌سا بؤلونمه‌دن آیریلیقدان

قورخو گلیب باشیمیزا آیریلیق‌لار بؤلوپ بیزی

سئومیشیك‌سه سئوگی‌میزی

یابان یاناق اؤپوپ بیزی

سارالیمیش‌لار، قورخاق قانلار

قارا اوزلو باش اگه‌نلر

بورونوبدور نیسگیل‌لره بو تاییمیز او تاییمیز

او تایدا قاراباغ

بو تایدا قاراداغ

 

منه دئدیز: پول هاردادی!؟

پارا قازان!؟

آغزیوی سال اؤز آخوران

گؤردوم كی سیز یوخسوزلادیز

گؤزلرینیز باخیر یابان آغیزلارا

قازدیردینیز آنلیمیزین یازیسینی اؤزگه‌لرین دووارینا

كرپیچ‌لرین اله‌دیلر

اوچورولموش دووارلار دا ؛ قبیر داشی اولدو بیزه

توپوردولر اوزوموزه

گؤردونوزمو!؟ گؤرمه‌دینیز!!

 

اؤلولره بئل باغلادیز دیری‌لری خائین ساندیز

بیر آن بیزی بوراخمادیز

چالدیز بیزیم باشیمیزا

قوسدوز بیزیم آشیمیزا

اریدیلدیك مانقورتلاشدیق

هر كیم گلدی سوخدو بیزیم آنا دیله

دیشله‌دیلر دیلیمیزی

ال‌له‌دیلر ائلیمیزی

ائتدیردینیز!؟ ائتمه‌دینیز!!

 

هاچاناچاغ منی مندن قاپاجاغیز !؟

سؤزونوزو آیری دیلدن آساجاغیز!؟

داها بئزدیك ساپی بیزدن اولانلاردان

قارا گون‌ده دونانلاردان

باشی قوردلو، قارادونلو اولانلاردان

آسدینیزمی!؟ آسمادینیز!!

 

هارای ! هارای!

ایچیمیزده گؤیه‌ریریك اوجا بویلو ساوالانی

دوزلو گؤلده آدالاری

آغ آت‌لاری یهرلیریك

گونش‌لردن دوزه‌ل‌دیریك قلملری

هارای! هارای! باغیریریق

ایسرافیلی چاغیریریق

بیزده‌ن سیزه بنزه‌ر چیخماز

دیشلرینیز دوگونله‌نمیش بیزی آچماز

گؤك گؤزلولر داها یاتماز

یولوم جایماز، آدیم تایماز





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/11/5 | یازار : taymaz ocaqlu
+0 به‌‌یه‌ن

قاشقایلی خالچاچی قیز


خالچاچی قیز توختاخ توخو

سن خالچالار تانریسی اول

ایلمه‌ایلمه دارا سیرا

یارات یارات

اورمانلاری

حئیوانلاری

سئوگی‌لی‌لر ناخیشلاری سیرا سیرا توخو

آرخاچ كئچیر

دفه‌نی چال اركین‌لی‌گین ماهنی‌سینی یاردادیرسان

سن یارادان سن تانری‌سان

گؤرمه‌لی‌دیر نوح گمی‌سین بویالارین دالغاسیندا

دونیا بویو دنیزلرده، فیرتینالار آراسیندا

خالچالارین ائلچی‌لردی گؤنده‌ریبسن

هر بیری بیر قونوشان دیل

هر بیر بویا

آیه‌لردی، سوره‌لردی

 

خالچالاردا گؤز یاشلارین داملاسی وار

آرازلارین لیغیر لیغیر داشماسی وار

آنالاردان اوخشامالار، بایاتی‌لار، نازلامالار

آتالاردان یهر‌له‌نمیش قیرآتلارین كیشنه‌مه‌سی

قیلینجلارین اؤپوشمه‌سی

بولوتلارین سئویشمه‌سی

 

خالچاچی قیز توختاخ توخو

یاواش یاواش شیش‌لرله كئچ

دارا چكیلمیش ساپلارین پودلاریسان

ایلمه‌لرین یاتاغی‌سان

جالانییپ‌سان گؤزونده‌كی سورمه‌لری یاراتدیغین جئیرانلارین گؤزلرینه

آی اولدوزسوز گئجه‌لرین سؤزلرینه

گؤزه‌للیگین لاپ اؤزوسن

تانری‌لارین باش سؤزوسن

 

خالچاچی قیز سسلی توخو

ده‌ده‌قورقوت اوخو توخو

ده‌ده‌م قورقوت اوخو ...





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
تاريخ : 1391/10/20 | یازار : taymaz ocaqlu
+0 به‌‌یه‌ن

اوشاقلیق رؤیالاریم ییدیریر منی

قانلی سوس‌لار دامازلیغی‌دیر

سكگیزینجی واگون سسیمله بویلو

بو گون خوردادین ایل دؤنومودور

****

یاشیل بوغازین سومبوللو (سونبوللو) سسی

سكسان بئش قیشقیریر ایگیرمی اولدوز

دالقالاندیق اورمو گؤل دامجی‌لاریندا

سوسوز قالدی شورانلیق كربلا چؤلو

و قورد دره‌سی سمفونیاسی 

آلازالانمیش بویالی ساچلار

قانلی كیپریكلر آی اولدوزسوز

آی ویجدانسیز

یئنی‌دن 85 ماهنی‌سی سسلیر

لیبی‌ده تونس‌ده میصری‌ده

كوراوغلو قیلینجی میصری آلوولو

بوغازیمیز سوریه بولبولوموزدور

****

قارقیش قورشونا منی گؤرمه‌سه

آه ... منی گؤرمزدن سئومه‌سه ایسه

تانرینین باجاسی دار اولور بیزه

خزل آدیمی پاییز ساوورسا

آرخلاری سوواران قانلاردی پاییم

دیده‌رگین قوردلارا داریخار داغلار

Uşaqlıq röyalarım yidirir məni

Qanlı soslar damazlığıdır

Səkgizinci vaqon səsimlə boylu

Bu gün xurdadın il dönümüdür

****

Yaşıl boğazın sümbüllü səsi

Səksan beş qışqırır igirmi ulduz

Dalqlandıq urmu gölün damcılarında

Susuz qaldı şoranlıq kərbəla çölü

Və qurd dərəsı səmfonıyası

Alazlanmış boyalı saçlar

Qanlı kipriklər، ay ulduzsuz

Ay vicdansız

***

Yenidən 85 mahnısı səslir

Libidə ، tunıs ' də misridə belə

Koroğlu qılıncı misri alovlu

Boğazımız suriyə bülbülümüzdür

***

Qarqış qurşuna məni görməsə

AH ... məni görməzdən sevməsə isə

Tanrının bacası dar olur bizə

 Xəzəl adımı ، payız savursa

Arxları suvaran qanlardı payım

Didərgin qurdlara darıxar dağlar 

 

سوس (sos) = سُس = آغینتیلاردان (لبنیاتدان) تؤره‌تیلمیش (فرآوری‌شده) دامازلیق (اضافه‌كردنی)

بویلو (boylu) = گبه حامیله - قارنیندا اوشاغی اولان قادین

خورداد (Xurdad) = خرداد آیی

سكسان (səksan)  = هشتاد (80)

آلازلانمیش (alazlanmış) = توك یوخسا یونون یانماسی- توك یانماز آنجاق ایستی اؤنونده قیریشار اوندا توكون آلازلاندی یوخسا كیپریكلرین آلازلاندی سؤیله‌نیلر.

قورشون (qurşun) = قورقوشون – فشنگ

آرخ (Arx) = جوب (جوی آب) – كیچیك نهر





گؤنده ر 100 درجه کلوب دات کام گؤنده ر     بؤلوم لر: قوشوق (شعر)
+0 به‌‌یه‌ن

رؤیالارا باتمان گلدیمیوخولارا

توزدان یونگول بویاق‌ایدیم

آلوولارین كوله‌ییندن زاریلتی دردیم

هؤنكورتو

نفسیمه دامار آتدی شیطان

عطش سونبوللرین آهیل باغیرتیسیندا

          كندیم یاشیل یوخولو

        و تورپاق

گؤیرچین قانادیندا گولـله‌لنمیش بایراق

باشیم

ایلان دیله‌یینه آغری

یولوم قان سوران بالتالارا بویلو

دولدوم آیین گئجه دولموش گؤزلرینه

گؤردوم آختالانمیش كیشی‌لری

ساققیز آغاجیندان آسیلی

آغلادیم جیندالارین ایلغیم شهوتینی

گولدوم

گؤی گؤزلرین گولـله‌سینده چیلغینایغا

اؤلدوم

باتدیم

جسد جسد كفن باغیرتی‌سینا اویاندیم

آتیلدیم

قایالارین آیاق تاپداغینا

قیامت ایتلری‌نین آغزیندا گؤردوم

اسیر كلمه‌لری

دومان ایشیغی

سوموكله‌نیبدی گیله‌مده

آیازلانیرام بیر قارالتی‌نین بوز گولوشونه

و چكیرم بوش قبیرین یاغمور قوخوسونو

قیرخ گون

داغلارین گؤزونده گونش تعطیل

قیرخ گون هاوادا یاغمور وار

و قیرخ گون

دلی چؤللرین قولاغی زاریلتی‌لاردان دنگ

قارا گلدیم گیلانارین گؤز یاشینا

ایچدیلر چاخیر قارانلیغیمی بایدا – بایدا

قوسدولار

گونشسیز گوندوزلریمی باش داشیما

و آغلادیلارمنده كی محبوس

اوتوز دؤرد ایل ل ر ی م ی ...

 Röyalara batman gəldim

 yuxulara

 tozdan yüngül boyaq idim

 alovların küləyindən zarıltı dərdim

 hönkürtü

 nəfəsimə damar atdı şeytan

 ətəş sünbüllərin ahıl bağırtısına

             kəndim yaşıl yuxulu

                     və torpaq

 göyərçin qanadında güllələnmiş bayraq

 başım

 ilan diləyinə ağrı

 yolum qan soran baltalara boylu

 doldum ayın gecə dolmuş gözlərinə

 gördüm axtalanmış kişiləri

 saqqız ağacından asılı

 ağladım cındaların ılğım şəhvətini

 güldüm

 göy gğzlərin gülləsində çılğınlığına

 öldüm

 batdım

 cəsəd cəsəd kəfən bağırtısına oyandım

 atıldım

 qayaların ayaq tapdağına

 qiyamət itlərinin ağzında gördüm

 əsir kəlmələrı

 duman ışığı

 sümüklənibdi giləmdə

 ayazlanıram bir qaraltının buz gülüşünə

 və çəkirəm boş qəbirlərin yağmur qoxusunu

 qırx gün

 dağların gözündə günəş tətil

 qırx gün havada yağmur var

 və qırx gün

 dəli cöllərin qulağı zarıltılardan dəng

 qara gəldim gilanarın göz yaşına

 içdilər çaxır qaranlığımı bayda bayda

 qusdular

 günəşsiz gündüzlərimi baş daşıma

 və ağladılar məndəki məhbus

 otuz dörd İL L Ə R İ M İ ...

  كامیل قهرمان اوغونون بلاقی




آچار سؤزلر : گؤزل, قهرمان,

گؤنده ر 100 درجه کلوب دات کام گؤنده ر     بؤلوم لر: قوشوق (شعر)
یارپاق لار: [1] [2] [3] [4] [5]
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :