آنالار و آتالار یئر تانری‌لاری

اسكی توركلرین آراسیندا "آتالار دینی" واریمیش. اوشاقلار و بالالار، آتالارین دینینه باش اّگه‌رمیش دییه؛ منجه آتالارین سایغیسینا باخاراق اونلارا قوتساللیق وئریب؛ آتالاری تانری كیمی ساییب و اؤنلرینده دیزچؤكمك اولار. آتانین دؤورسینده یئددی یوخ، مین كره فیرلانیب دولانساق یئنه‌ده آزدی.

گئنه قاییداق اسكی چاغلارا!

یئرآلتی تاپینتیلارین آراشدیرمالارینا گؤره؛ دونیادنین یارانیشنا هابئله آددیم‌‌آددیم یارادیجیلیغینا باغلی؛ دیشی و ائركك بؤلونوشون ائتكیسینده، بوتون دونیا و كاییناتی، ایكی یئره بؤلموشلردیلر. ‌هر شیء (جانلی یوخسا جانسیز) گؤكده یئرلشمیشسه، ائركك و هر شیء یئر اوزونده واریمیش؛ دیشی ساییلیرمیشلار. یئر دوغان، هابئله گؤك دوغوزدوران اولدوغونا گؤره؛ اینسان آدلاریندادا بو اؤزونو گؤسته‌ریر. بولوت، یاغیش و اولدوز (اسكی زامانلار یاغیش و اولدوز كیشی آدلاریندان‌ایمیش) كیشی آدلاری؛ توپراق و بوتون  یئردن بیتن گول-چیچك آدی؛ قادین آدلاریندا توپلانیلیرمیشلار.

بو باخیش تانریادا واریمیش. گؤك تانری (ایندی آللاه دئییلیر) ائركك و یارادان‌‌یمیش و یئر اوزونده‌كی تانریلار دیشی كیمی گؤرونورلر. بونو اونلارین (یئرآلتی تاپینتیلارین) قادین سیماسیندا اولماقلاریندان بللی‌دیر. اونلارین تام جینسی آلت‌لری‌ده گؤرونورلر.

بو قادین شكیللین (بت‌لارین) اؤنونده بیر سیرا اینسانلار، اونلارا سجده ائدیلمیش كیمی‌ده گؤرونورلر. بو گؤرونتو بعضن اینسانلاری چاشدیریر و یانلیش دوشوندورور كی اسكی اینسانلار (توركلر) قادینلاری پرستیش ائدرمیشلر.

آنجاق منجه او قادینلار ائله همین آنالاریمیزدیرلار. آنالار معبدیمیزدیلر و آتالار بو معبدین تانریلاریدیرلار. چالیشاق یارادانلاریمیزلا سایقی‌ایله یاناشاق.

اؤزومجه آنا و آتاما یاخشی اوغول اولماغیما گوونمیرم. آنجاق هر زامان اونلارا اوره‌ك دنیزیمدن، دالغالی سئوگی‌لریم واردی. اونلارین ایلدن ایله دوغوم گونلرینی قوتلامیشام. آنجاق موتلولوغوندا دومانلی ایكیزدویغو منی ساریبدیرلار. اوچرا (چونكو) اونلار ایلدن ایله قوجالیرلار و قوجالیغین سونو ....

نئینه‌مك! بو دوغال سایغاجیندا بیر دولاناجاق یولدور. اولاسی دگیل بیر آن دوردوراسان شو ریتمی. آنجاق بو آز چاغلاردا سئوگی‌لریمیزی پایلاشاراق اونلارا سایغیلاریمی سونورام. هر زامان ساغ و شن یاشاسینلار.

آچار سؤزلر : آتا,

گؤنده ر     بؤلوم لر: اؤیكو (حكایت)