+0 به‌‌یه‌ن
سوسماغیما
باخما
دینمیرم‌سه
دوشون
اورمو گؤلون
یاغیش اولماق ایسته ییرم، اورمو
گؤلومه
یاغیش یاغاندا، اوره ییم سیخیلاردی،
دئمك اولار دونیا بیله مه دارالاردی، ندنی، گونش اولاندا فوتبال اویناماغا واخت
تاپاردیق اولا بیلردی! نه یسه نه بیله یدیم بیر گون ائله بو یاغیش حسرت اولاجاقدیر
بیزه! گونشه، دایان، آزجا یاغیش یاغماغا زامان وئر دئمك ایسته ییردیم، بولودلار
قاچین گونش دایانیب، سیز یاغاسیز، آغلایین، واخت قورتولماقدادیر، آماندیر یاز – یای – گوز(güz) – قیش دئمه یین، آنجاق یاغیش
یاغدیرین...
سئومك آنلامینی بو دویغولار منه وئردیلر. هئچ نه یی
یارادانیمدان سونرا بو قدر سئوه بیلمه میشدیم، هئچ نه یی بو قدر دوشونمه میشدیم،
هئچ نه یه بو قدر نیسگیل ائتمه میشدیم...
یارادانیم! سن، ایشیق وئرن كیتابیندا
هر ندن چوخ، «من، باغیشلایان و یاخشیلیق ائده نم» دئییبسن و منده بونا اینانیرام،
سن سونسوز سئوگیندن و اوجسوز – بیجاقسیز
یاخشیلیغیندان بیزه باغیشلایاجاقسان، بیلیرم...
یاغمور، نه اولار دایانمادان، یاغ،
بوتون كدریمی سن آلمالیسان، سئوگیمی منه قایتارمالیسان، جانیما جان قاتمالیسان...
یاراداینم، بولودلار، یاغمور،
اینسانلار، یارانیش لار و بوتون جانلی و جانسیزلار دویون و آنلایین منیم اورمو
گؤلومو...
یارادانیم؛ بوتون سئوگینله قورو
سئوگیمی. یاغ یاغیش؛ هئچ دایانما، گؤلوم سنی گؤزله ییر. گونش؛ چیخما هئچ.
بولودلار؛ یولو آچین، گلین یوردوما، آغلایین، اؤلو اورمو گؤلومه!!
گؤنده ر
بؤلوم لر:
گوندم اولای
+0 به‌‌یه‌ن
چوخ سرت قاپی دؤینلر
ایذینسیز
آستدان- اوستدن
باجالاردان و داملاردان
ائشیتمه‌دیك سالاملارین
عَلیك‌لَرین
سؤندوردولر چیراغلاری
آپاردیلار اوشاقلاری
گؤنده ر
بؤلوم لر:
قوشوق (شعر)
+0 به‌‌یه‌ن
منده
سئوگیدن دانیشا بیلیرم !
1- گئتدین
و سندن بیر ایز قالدی یئرده
و بیر
گونشه دوغرو قالخان توزیولو
ایزلرینی
اؤپدوم ساندیم دوداخلارین
توزلارینی قوخلادیم ساندیم ساچلارین
2- گؤزلریمین
قارا قویوسوندا؛ ایتیب باتمیش سئوگینی تاپماق اوچون؛ دول سالدیم آنجاق دولوم شور
سویلا دولو یوخاری چیخدی.
3- اونوتمامیشام
دوداخلاریملا دوداخلارینی آختاران چاغلاری سئوگی بولماق ایچین.
یازا یازا سونونو دوشونوردوم سون نوقطانی تیكلاماق ایچین.
گؤنده ر
بؤلوم لر:
ساتاشما
+0 به‌‌یه‌ن
ائی
گؤیلرده اولان آتا ! - لئاندرو اوروینا
"گروهبان"
اوشاغین باجیسی‌ایلا آناسینی دیندیردییی زامان، "سروان" اوشاغین اَلیندن
یاپیشیب اونو او بیری اوتاغا آپاردی.
-
"ده‌ده‌ن
هاردا ؟"
اوشاق
دیل آلتی –
" گئدیب
گؤیه"
دئدی.
-
" نه‌مه‌نه
!؟ اؤلوبدور؟"
كیشی تعجوبله سوروشدو.
-
"یوخ!
آتام هر گئجه گؤی‌دن آشاغی گلیر؛ بیزینله شام یئییر."
سروان
گؤز گزدیریب تاوانداكی (سقف) بالاجا قاپینی گؤردو.
گؤنده ر
بؤلوم لر:
اؤیكو (حكایت)
+0 به‌‌یه‌ن
زامان سورسینده شهیت‌لریمیز
زامان
بیزی آلداداراق؛ سانكی سولیمان خالچاسی كیمی؛ یوخسا ملك قانادلاریندا یوموشاغجاسینا،
یاواش- یاواش و داها یاواش؛ گؤتوروب بو گونلره آتمیشدیر.
زامان
بیزی گؤتوردو و شهیدلریمیز قالدیلار. بیز گلدیك آنجاق اونلار گلمه‌دیلر بو گونه. اونلار
قالدیلار او گونده؛ هارایلاری زامانلاری سوكوب گئچیر و گئدیرلر. اونلاری اؤلن
دوشونوركن "هارایلاری" اؤلمز گؤرونورلر. سولوغانلاری (شوعارلاری) ائشیتمز
اینسانلارین قولاغلارینی ییرتدی و بیزیم هارایمیز بوغازیمیزدا اؤزوموزو یاندیریر و
پارتلاماسالارسا؛ بیزی ییرتیجی كیمی پارام پارچا ائده بیلیرلر.
شهیدلریمیزین
سسلرینی دوی (حس ائیله) . ایندی‌ده داوامی وار و زامان اَلَكیندن و سوزكئچیندن اله‌نرك
و سوزوله‌رك؛ بیر سس داها اونلارا یامالیبدیر. او سس "داوام ائدین" بیزی
چاغیریر. "داوامچیلار هارداسینیز!؟ یولونوز آچیقدیر. ..."
بیزی
زامان یارپاق میثالی بورویوب سارمیش و شهیدلریمیز اؤزگورلوكلری‌یله (آزادلیغلاری‌ایله)
زامانی بورویوب سارمیشلاردی.
زامان
لای لایی! اویدورما بیزی! آلداتما بیزی! قورخوتما بیزی! چونكو بیز شهیدلریمیزه
اوغورلار دیله‌دیك و اونلار بیرلییمیز اوغروندا، اوغور قازاندیلار. ایندی اونلار
بیزه اوغورلار دیله‌ییر. دوی سسینی.
گؤزلرینی
یوم. بو سن سن و بو یولوموز. زامانلاری آل اَلینه! كئچمیشینی، ایندینی و گله‌جه‌یی
دوغرو دوشون. اونلار سنین اَلینده بیر اویونجاقدیلار. ساده‌جه زامان كئچیب؛ گؤز
یومدوغون آن و گؤز آچدیغین آن. گوندوز و گئجه‌لر چورتكه‌سینده اؤلچولن زامان.
بیز واریق.
شهیت‌لریمیز وار. ایستك وار. یول وار. نه ایستیریك داواما تانری یولوندا؛ وطن
اوغروندا !؟
بیر
دوغرو بلكه آجی سؤز دئمه‌ك ایسته‌ییرم. بیز ترپه‌نمسك بیز چالیشماساق؛ اوله‌جه‌ییك.
آنجاق ناسیل اؤله‌جه‌ییك. سئچیم اؤز اَلیمیزده.
آغ ایپك
دسمال ایله آل قانلاری سیلینمیش؛ او بیزیم آندیازیمیز اولوب. او آل بایراغا آند
ایچ. نه آند ایچیرسن ایچ.
من
اونلارین آندلاریندان یئره داملامادان؛ قوروموش قیرمیزی قانلارینا آند ایچیرم.
من
اؤزوم شهیدلرین ماوی گؤیه باخان آچیق گؤزلرینه آند ایچیرم.
من
اونلارین آددیملارینین ایزینده گویه‌رمیش یام‌یاشیل بیتگی‌لره آند ایچیرم.
آند
ایچیرم زامانا آلدانمایام، سارسیلمایام و یورولمویام. شهیدلریمیز بیزی گؤزلویورلر.
بیزدن قاباغ بیزی گؤزلویورلر.
گؤنده ر
بؤلوم لر:
اؤته‌ك (تاریخ)
+0 به‌‌یه‌ن
نقطه‌ی ضعف هر شخصی اندكی نزدیك به نقطه‌ی قوت اوست.
نئچه
موددتدیر بیر ایچ‌ساواش! بعض فیكیرداشلار آراسیندا باش وئریبدیر و باخمایاراق كیم
باشلاییبدیر؛ یوخسا كیم سوچلو هابئله سوچسوزدور. بوردا بیر باشقا سورونا توخونماق
و داها یاخشی‌سی دولاشماق ایسته‌ییرم. همیده بو اولایین اولوملو- اولومسوز
اولدوغونا و اونون آرخاسیندان سوزولن ائتگی‌لردن‌ده سؤز آچماق ایسته‌میرم.
آچیقجا
سؤیله‌ییم؛ ندن بو سؤزلر، دئدیك‌اودولار و بیری‌بیرینین دالینجا زنجیر كیمی پیس
سؤزلری دویونله‌مه‌ك؛ باش وئریر!؟
"دوكتور
گنج‌اورك" دن بیر یاخشی سؤزو اونوتمارام! دئدی: "ایراندا یاشایانلارین
چوخونلوغوندا؛ چئشیتلی روحی- روانی خسته‌لیكلردن؛ چئشیتلی و جور‌به‌جور خسته‌لر و
سورونلو اینسانلار وار. بیزلرده‌ده بو سورونلار یاشاییر (داها دوغروسو یاشادیریق).
بیز بو خسته‌لیكلرله، میللی‌حركته قوشولوب و بو آتمسفرده اؤز خسته‌لیكلریمیزین
آققیشقالاریندان (پنجره‌سیندن) دونیایا باخیریق."
ایندی
بو خسته‌لیك‌لره، سلیقه‌لریمیزین فرقلرینی، چئشیدلی دونیا باخیشلاریمیز، موختلیف
ایدئولوژی‌لرین بیزده تظاهورو و بیر داها اؤنملی‌سی دوشمن‌چی‌لیك‌لریده؛ آرتین.... ایندی گلین بو شوربادان ایچه‌لیم!!؟
بیزیم
ایچیمیزده واردیلار بئله اینسانلار؛ اؤز شخصی یارارلارینا گؤره، اؤزلرینی تحمیل ائتمك
و بؤیوك گؤسترمك اوچون دوشمنین قولو (Qolu) و قولو (Qulu) اولوب (بیله‌رك یوخسا بیلمه‌یه‌رك
چوخ اؤنمی یوخدور) و میللی حركتین ایچینده چالیشان انسانلاریمیزا؛ یوخسا توپلوملاریمیزا،
سرت هوجوم ائدیرلر. ندن ندن؟ ...او منیم كیمی باخمیر!... ندن ندن؟... او سورونلو
اینسان یوخسا ساتقین‌دیر و ....
اولسون!
سن دیین دوزدور باجیم؛ سن دیین دوزدور قارداشیم. دییرسن اینانیم كی سن بو سؤزلری
ایصلاح ائتمك اوچون و یاخشی نییت‌لره باغلی؛ دییرسن‌می!؟ یعنی اینانیم كی سن بو
اینسانین آبیریسینا توخونماق ایسته‌میردین كی نئچه نئچه توپلوملاردا و اینسانلار
ایچینده، او شخص یوخسا توپلومدان حوضورو اولمایان یئرلرده دالیسینجا آغیر و دیله‌گتیریلمه‌ین
آجی ایتتیهاملار یاپیشتیریردین‌می!؟ هاردان گلدین هارا گئدیرسن‌می!؟ هاردان گلدیك
هارا گئدیریك‌می؟
بونون
آدی اخلاقسیزلیق دگیلمی! حاشیه یاراتماق دگیلمی!؟
بیر باشقا
اؤیوت وار؛ بئله انسانلارا و توپلوملارا ماهینا (بهانه) وئرنلره!
اینسانلارین
ضعف نوقطه‌لرینین گؤبه‌گی، گوجلو و اولوملو نوقطه‌لرینین چوخ یاخینلیغیندادیرلار. اونلاری
بولوب– تاپماق
چوخ راحاتدیر. نه یاخشی اؤزوموز ویجدانیمیزین گوزگوسو اؤنونده دوروب، اینجه‌له‌نیب،
جسورجاسینا قیلینجیمیزین زهرینی بو اولومسوزلارا و اخلاقسیزلیق‌لارا گؤسترك. اونلاری
"بیزیم شخصی یاشامیمیز و سورونلاریمیزدیرلار" آدلاندیرمایاق. اوچرا
(چونكو) :
-
بیزیم دوشونجه‌لریمیز رفتارا چئوریلیر.
-
رفتارلاریمیز تئپكی‌لر و عمل‌لریمیزه چئوریلیر.
-
عمل‌لریمیز ائتكی بوراخیر.
-
و بونلار بوتونلوكده توپلومسال رفتارا چئوریلیر.
گؤنده ر
بؤلوم لر:
گوندم اولای
+0 به‌‌یه‌ن
یونه‌تمنین سسی گلدی
- 3 -
- 2 -
- 1 –
گئتدی
كامیرالار
چابالادی
بیر
قادینین سسی گلدی
آغلاییركن،
قیشقیریركن
گؤزل
گؤزلر اوت چاناغی
قیوریلیردی
بیر جوت
یابان اَللر‌ایدی؛ اینجه بئلین باغلامیشدی؛ گؤبه‌گینی یاغلامیشدی
قاچاق
یولون یوخدور جانیم
ایستی
نفس، سیجاق شهوت
هاوا
دولموش عیفریته‌لر توستوسوندن
كمرالار
سیر ائدیردی جنایتی
كیشی
گیردی آیاغلارین آراسینا
قادیندا
قیشقیردی هارای
شالوارینین
زیپین آچدی
دامارلاری
شیشمیش‌ایدی
یاغلاییردی،
جان دئییردی
بیردن
ایشیقلار كسیلدی
هر یئر
قارا
"كات"
دئییلدی
اویونلارا
دور، دئییلدی
گؤنده ر
بؤلوم لر:
قوشوق (شعر)
+0 به‌‌یه‌ن
خاله
شادونه سفیر مرگ
مراسم
روز سوم كودكان معصوم و جان باختگان حادثه شهرستان خرمدره در شرایطی برگزار می‌شود
كه به جز چند خبرگزاری؛ كسی رویدادها، مسائل و عوامل دست‌اندركار و دخیل در بروز
این حادثه دلخراش را مورد كنكاش و بررسی قرار نمی‌دهد.
صبح
امروز گشتی در دنیای اینترنت میزدم تا واكنشهای مختلف را مشاهده نمایم. جالب‌ترین
تیتر را صدا و سیمای مركز زنجان داشت. كه اشاره به تولید جوجه‌های مقاوم در برابر
گرما داشت. این در حالی است كه می‌بایست نوك پیكان انتقادات شدید به سمت صدا و
سیمای مركز زنجان می‌بود؛ اما با كمال تعجب شبكه اشراق با بازتاب اندك این واقعه موجبات
تعجب ما شد.
سوالاتی
كه د ر اینجا پیش می‌آید:
1-وابستگی به مركز: در خصوص صدا و سیما ؛ باید
پرسید تا كی باید اعم ساخت و تولید برنامه‌های تلویزیونی باید توسط مركز انجام
شود؟ آیا صدای و سیمای مركز زنجان توان تولید و پخش یك جنگ شادی برای كودكان
زنجانی را ندارد؟
2-آیا باید كودكان مقاوم در برابر فشار تولید
كنیم تا تیتر اصلی اخبار منتشره در سایت صدا و سیمای مركز زنجان از موضوع قرار دادن
تولید جوجه‌های مقاوم در برابر گرما به حاشیه رانده شود.
3-چرا در شهرستان خرمدره اعلام عزای عمومی نشده
است؟ این یك فاجعه‌ی بزرگ است؛ آیا موضوع كشته شدن این كودكان كمتر از كشته شدن یك
كودك فلسطینی است!؟
4-چرا براستی ما علاج واقع را قبل از وقوع نمی‌كنیم.
چرا یك برنامه شاد برای كودكان تبدیل به یك مصیبت بزرگ می‌شود؟
سوالات زیادی در اینجا وجود
دارد ك از طرح آنها اتناب می‌كنم. اما اعتراض من نسبت به مسئولان صدا و سیمای مركز
زنجان پابرجا خواهد بود. اعتراض من نسبت به فرمانداری است كه بدون مجوز و هماهنگی
اجازه ضبط این برنامه بدون مدیریت و بسیار سهل‌انگارانه را داده است!؟
بنده و بسیاری از همفكرانم
ضمن ابراز همدردی با خانواده جانباختگان تقاضای ارائه پاسخ مناسب مسئولان و
استعفای مسئولین مرتبط با این واقعه را داریم.
گؤنده ر
بؤلوم لر:
گوندم اولای
+0 به‌‌یه‌ن
كولگه‌لیكدن چیخان آندا
كولگه‌م سریلدی یئر اوسته
اؤزوملویوم منله گلیر
قاپدیم؛ قاچدیم گوزگولرین اؤنونده بیر دوران منه
اؤزوملویو تاپیشاركن گوزگولره
حالاللاشدیق
اونوتمایین منی آصلا
گؤنده ر
بؤلوم لر:
قوشوق (شعر)
+0 به‌‌یه‌ن
گئرچك
و خایال؛ سینیرلار قیریلیر
دمیر
قایچی‌نی خیژم‌ایله (بَرك) آلینه آلدی. باش‌بارماغینی بیر گؤزونه؛ قالان
بارماغلارینی قایچی‌نین بؤیوك گؤزونه سوخموشدور. بیر ائده‌رمن (قهرمان- ایگید)
كیمی سانیریدی اؤزونو. شالوار و شورتونو آشاغیا چكدی و توالت‌ده آیاق اوسته دایاندی.
قایچی‌نین آغزینی آچدی و اونو گؤبه‌گینین آستینداكی (آلتینداكی) یئك (شیطان) آلَتینه
گؤسته‌ردی. بو ایشه سون وئرمك ایسته‌ییردی.
بوسبوتون
اولایلاری خاطیرلاییردی. 5 یاشیندا چیلله گئجه‌سینده؛ بیر سوپا (سیپا) ائششه‌یی
یوخودا گؤردو. سوپانین قارینینین آستیندا، اوزون و قارا بیر شیء آسلانمیشیدی و
اونون ایچیندن ائشی‌یه سو سپیلیردی. قارا ائششك، اونا دئمیشدی كی: "سنده
لولوشونو چیخارت قار- بوزلاری اَریت." آنجاق او بو ایشی
گؤرندن سونرا؛ دان سؤكولمه‌دن قیچلارین آراسینین گؤینه‌مه‌یی‌‌ایله؛ یوخودان
هاپپیلمیشیدی و دوشونموشدو، دوممولو‌دوز دؤشه‌یین اؤزه‌ییه (مركزینه) گؤل‌له‌ییبدیر.
ائله
او گئجه‌دن بری ایش یاوالاشدی. هر گئجه یوخونون دوز شیرین یئرینده؛ ائششك، قار،
سو و گؤل. هردن بیردن، ائششك یوخودا او قدر ایشییردی كی بو طرف ده سویون چوخونلوغوندان
بورولغان (گرداب) یارانیردی.
آنا
و قونشونون آروادلارینین فیكیر فابریكالاری یولا دوشموشدور. هر نه دوعا، درمان،
اویون مویون بیلیردیلر اسیرگه‌مه‌دیلر؛ آنجاق سوپا، ائششك اولدو و قری‌ییب قوجالدی
و سیدیكلر گئجه‌دن گئجه‌یه چوخالدی. ایندی اوغلان 13 یاشی اولوب و "جاواد
گؤل‌له"
آدیلا تانینیر.
یئنه
خاطیرلادیری او گونو كی اووسونچو (دوعا یازان –
جین دوتان) كنده گلمیشیدی و آناسی اونلا قونویو آرایا قویموشدور: " اووسونجو
قارداش! بیلمیرم بو اوغلانین ایچینده نه قدر سو وار؛ هر بیر یول كی یئرینه ایشه‌ییر
ائله‌بیل كی بیر دولچا سو سپیب‌سن!؟" اووسونجو اونا
اوشاغین سیدیكیندن اؤزونه ایچیردین بویوروق وئرمیشدی! هر حال ایشه‌مه‌یین آجیمتیق
(نسبتا تلخ) دادینی‌دا دادمیشدیر؛ آنجاق بو یولدا بوشا چیخدی.
خاطیرلاییری
بو اولومسوز (منفی) اولایلار اونو برك آبیرسیز ائدیبدیر. اوزاق و یاخین كندلرده؛
اونو تانییردیلار و هامی اونو بارماغلاریلا بیری‌بیرینه گؤسته‌ریب، لاغ (بای-
استهزاء) ائدیردی. او اوركه‌ن (همیشه) دولوخسانیردی و دوداخلاری بؤزولوردو. كیمسه
اونلا اوركداشلیق ائتمیردی و او گئت‌گئده سینیردی.
خاطیرلاییری
بیر گئجه گؤل‌لویندن سونرا دؤشه‌یه آغنامیشدی (اَووه‌ده‌مه‌ك) و بو ایش اونو
قوروتماماغینا گؤره؛ یاواشجاسینا اوتاغین اورتاسیندا نفت‌ایله یانان چراغا یاخین
اولموشدور و شالوار- كؤینه‌یین قوروتماغا گؤره قارنینی چیراغا یاپیشدیرمیشدی و
ایندی‌ده او یانماغین یئری؛ قارنیندا قالیر.
ایندی
18 یاشیندا ایگید اوغلان اولوبدور؛ آنجاق هله‌ده یئرینه ایشه‌ییر. گه‌ییشمه‌لَرده
(مصلحت‌لر) یارارسیز اولوب و او اؤزونو بوُرماق (اَخته ائیله‌مك) قرارینا
گلیبدیر. قایچی اَلینده و نیفرتله داششاغینا باخیر. قایچی‌نین آغزینی یومور و
قیشقیریر. "
اؤلوم
اولسون ائششه‌یه "
گؤنده ر
بؤلوم لر:
ساتاشما
+0 به‌‌یه‌ن
پولیس
آهای دور! دئدی
دوردوم
آغزیمی
قوخلادی
ایگرندی
ساندیم
چانتامیدا
آلیب باشدان یئره توكدو
توتوقلایین
بو جنایت پئشه‌نی!؟
كیتاب
اوخویور؛ بودا مدركی!
آچیغلاما:
بو اولای افغانیستاندا ، طالیب‌لر زامانیندا بیر یازیچی‌یا باش وئرمیشدی.
گؤنده ر
بؤلوم لر:
قوشوق (شعر)
+0 به‌‌یه‌ن
كاریكاتور
كاریكاتور است.
6
سال از تاریخ تولد كاریكاتوری می‌گذرد كه زخمی كهنه را باز كرد. رسم بر این است كه
تولدها را جشن می‌گیرند؛ اما تولد این موجود برای پدران و مادرانش سرافكندگی پدید
آورد. نطفه‌ی این موجود از زمانهای دور بسته شده بود.
گؤنده ر
بؤلوم لر:
گوندم اولای
+0 به‌‌یه‌ن
بیر
یابان فیكیره بویلو اولموشدوم
گبه
قارینی كیمی، یوكسه‌لمیش باشیم
شو 8
متیرلیك دوستاقدا
بئینیم
بولاندی
و
آنلادیم كی معصوم قافام اَللره دوشموش
یئریكله‌دیم
!
داغا،
داشا، قوشا، دوغویا، اوزوم سویونا – دنیزه
یئریكله‌دیم
!
حیالی
یاناقلاری سحرده اؤپمك
نه
آنلاشیلماز حالیمیش یئریك
و بو
حالی آنلاماق
آنجاق!
بوردا
هئچ بیریسی یوخدور! یوخ!
دمیردن
قاپی پنجره‌لر
دووارلار
سویوخ
باشقاسی
یوخ
بیلمیرم
به‌به‌م شعیر !؟ یوخسا دستاندیر !؟
بیر آجی
خاطیره؛ آتالار سؤزو؛ یوخسا بیر اؤیكو !؟
مریم
كیمی حیالی فیكیریم نئجه بویلانمیش !؟ بیلمه‌دیم !
آنلادیم
كی بئینیم اَللره دوشموش
بو
اَلدن او اَله؛ او اَلدن بو اَله
او آجی
گئجه‌ده؛ حیاسیز ، شرفسیز
هر شئی
قالابالیق
حاسیز
گؤزلره، شرفسیز فیكیرلره
و
قالابالیق دوشونجه‌لره
آییلدیم،
اؤزوم اؤزومه گلدیم
اؤزومله
ساواشاركن؛ گئجه‌نی دوشوندم؛ دوزونه گلدیم
سوچومو
سیلمه‌ك ایسته‌دیگیم آندا
یئیرتدیم؛
آرالادیم و آچدیم كلله‌می
او
حارام باغلامیش فیكیر به‌به‌یی
سالدیم،
سالدیردیم
قان
قوسماغیمدان بونو بیلدیم
باغلامیش
قان، كؤپوكسوز قان
بیر ساری
سولو جمدك؛ دوغولدو فیكیریم
قارامتیل،
سوی‌سوز، آتاسیز
گؤنده ر
بؤلوم لر:
قوشوق (شعر)
+0 به‌‌یه‌ن
آدی‌باتمیش آدلاردان ایراق
یوگوردو سس‌سیز سس‌سیزلیك یازقیلارمین اوجاغینا
بیر من قالدیم
گؤنده ر
بؤلوم لر:
قوشوق (شعر)
+0 به‌‌یه‌ن
تانری
لاپ یالنیزدیر
بیلمیرم
من نه قدر دین و مذهبله باغلی اینسانام. آنجاق چوخ چاغلار توپلومسال داورانیشیمدا
و اینسانلار آراسی ایلگی- علاقه ساخلایاندادا؛ منه سئكولار دئییرلر. هردن بعض اینسانلاری گؤرورم اؤزلرینی
دین اوچون سانكی برك باغلیلیغلاری وار تانیتدیریرلار. آنجاق یئری گلنده دین، مذهب
و تانرینی‌دا ساتیرلار.
بوردا
اینانج سورونو اورتایا چیخیر. منیم اؤز مسلكیمه اینانجیم وارسا؛ اونلارین اینانجی
تانریلارینا و مذهپلرینه آزدیر. ایستیرم بیر اؤرنك دییه‌م.
اردبیل
شهرینه گئدیردیم. صوبح آذانیندا آرابا ساخلادی و سوروجو اوجادان هایقیردی: "ناماز،
ناماز". هامی یاتمیشیدی و اوچ – دؤرد نفر بویان – اویان اولدو و یئنی
دن یاتدیغی صندلی‌لرین ایستی قوجاغینا سؤیكندیلر.
بیر آن
تانریا اؤرگیم یاندی. ایچیمدن بیر سیزیلتی قالخدی. " دوغرودان تانری چوخ
یالنیزدیر" ؛ دئدیم.
تانرینین
آدی‌ایله حاقسیزلیق ائدنلر؛ تانریا گؤتلرینی چؤندردیلر. آجی گولدوم. سوروجوده گؤردو
هئچ كیمسه یئنمه‌دی؛ ویته‌نی[1]
بیره آتدی و یولا دوشدو. گون چیخمیشیدی و من هله اویاغیدیم.
گؤنده ر
بؤلوم لر:
اؤیكو (حكایت)