+0 به‌‌یه‌ن
جاباغالی گؤل
یاتاغیندا اؤلموش ساكین سس‌سیزجه
یاشام‌سیز باغالار، چؤمچه‌بالیغلار
گؤنشدن یارانان كؤلگه‌ده دوشمور
سویون اوزه‌ری قات‌قات جاباغا
كیفسه‌میش
تورشامیش
پیس‌پیس قوخولار
هؤرگوتلو هؤرومچك، قالین سارماشیق
دوزه‌ن‌سیز
قارقاشا
به‌یه‌نمه‌زلیك‌لر
بوغموشدو گوجلو‌لر گوجسوز دیرینی
دیرچه‌لتمك اولورمو سوردوم اؤزومدن
اؤزومده اؤزومدن دوشون ایسته‌دی
بیر دئوریم یاراداق
دالغا بویلانسین
بالیغین قوشاغی (Quşağı) گؤلده اویناسین
اؤزه‌ندیم نارینجیق قوملا سالدیرام
اورتالیق پوزولسون گؤل شپه دوغسون
بیر آن قوم
بیر آن داش
توللانیش سسی
داش اوچدو یوموروق قالدی الیمده
داش دوشدو یوموروق یئرینده ایسه
دال‌دالا یوروشلر اویوم Uyum)) یاراتدی
قارانلیق چؤزولدو ایشیق ساپلاندی
*) *) *)
*) *) *) *) *)
*) *) *)
سؤزلوك:
جاباغا = جلبك
باغا = قورباغا
چؤمچه‌بالیغی =
قورباغا بالاسی
هؤرگوت = دسته – گروه – تشكیلات
هؤرومچك =
شیطان تورو – عنكبوت
سارماشیق =
ساریشان و یاپیشان بیتگی (گیاه)
دوزه‌ن‌سیز =
نظم‌سیز
قارقاشا = هرج
و مرج
دیرچه‌لتمك =
دیریلتمك – یئنی‌دن جان باغیشلاماق
دئوریم = تغییر
دالغا = موج
بویلانسین =
بویلانماق - حامله اولماق – خرامیدن
قوشاق =نسل
اؤزه‌ندیم =
هوس ائتمك – میل ایسته‌مك
نارینجیق = چوخ
كیچیك – چوخ بالاجا
سالدیرماق =
حمله ائتمك
شپه = سو قطره‌لری
یوروش = یورش – نظم‌ایله حركت ائتمك
اویوم = هماهنگ‌لیك
- بیرلیك
چؤزمك = حل
ائتمك
ساپلانماق =
بیر‌بیرینه باغلانماق – (اؤرنك (مثال) = ایگنه‌نی
ساپلاماق)
گؤنده ر
بؤلوم لر:
قوشوق (شعر)