دویغولار بولاغی جوشمور دریندن

گؤلوموز قورویور داشمیر عدالت

بیرینی دئمه‌دن مین بیر ائشیتدیك

قولاغسیز پیچیلتی دیلسیزلیك ساتیر

كوسولو آنالار قارین یئكه‌لدیر

دوغدورور آتا دیلسیز كؤرپه‌لر

اولایان قوردلاردی كؤپك‌جیك اولوب

دونوزلو مچید !

هاردا اولوبدور!؟

هاردا !؟ دولوبدور!؟

آنلینی نامازلا قازانلار گلیب

اریدیر قورشونو اوره‌ك ایچینده

قورولور آغاج دارلار گؤیه‌ریر

ائولر یئخیلیر قبیر تیكیلیر

بو بیر شكیلدی گؤز گیله‌میزده

دانساق‌دا اولمور

دانماساق اولمور

آراز بویو دردی چؤزه بیلسه‌یدیك

او تایی بو تایدا گزه‌بیله‌ردیك

گؤنده ر     بؤلوم لر: قوشوق (شعر)