+0 به‌‌یه‌ن
بو تیراختورون یانداشلاری (هواداری)
دونن
تئهرانین آزادلیق ایستادیوموندا چوخ پیس آن‌لار یاشادیم. اویونا بیر ساعات
قالاندان اوردایدیم اویونون سونونا قدر و بو 3 ساحاتدا اینانیلماز سؤزلری،
سؤیوشلری، یامانلاری، حالیمی بولاندیران رفتارلاری و ایشلرین شاهیدی اولدوم.
پیروزی تاخیمین یانداشلاری تیراختورچولارا، تیراختورچولار پیروزی یانداشلارینا و
هر ایكیسی داوره دیشلرینین دیبیندن چیخانی قابا دوزوب قیشقیریردیلار. دای من بو
تیراختورچولاری تانیمیردیم. سون گئدیب باخدیغیم تیراختور یاریشی، بیلدیر اولموشدو
و اؤزومدن سوروشورام بو بیر ایلده نه اولدو كی تیراختورچولار بو قدر دالییا قاییتدیلار؟
(عوذر ایستیرم: تبریزلیلر دئمیشكن اسكیك اولوبلار.)
بو
گون یازیرام آنجاق "تنقید"
ایچین یوخ بلكه "تخریب"
ایچین! منجه داها تنقیددن كئچیب بو مساله. بیر آز گؤردوكلریمدن و ائشیتدیكلریمدن
یازیم سونرا آغریمدان یازیم:
چوخلو
آنلاردا پیروزیچیلر سؤیوش وئریب و مثلن چوخ دییلین یامان سؤزلری " ائششك"
كلمه‌سی‌ایدیر. گولدان سونرا "صدای عرعر نمیاد ،
توركه صداش در نمی‌یاد؛" و "تهران عروسیه، تبریز
ك...ن سوزیه"
و .... ؛ اونا قارشی تیراختورچولار جاواب وئریردیلر: " ائششك
ده‌ده‌ندیر؛ ق..... ننن‌دیر"؛ "تئهرانی
افغانی"
و ... بئله‌نجی سؤیوشلری و یامان یاووزلاری حالوا كیمی بیری‌بیرینله
پایلاشیردیلار. هر دن ده داوره ننه‌باجی و گؤبك آلتی شوعارلار وئریلیردی ( ایكی
طرفدن) بو صحنه‌لر چوخ تیكرارلانان بیر صحنه‌لریدیلر. بیر آغیر، آجی و قبول
ائدینیلمز ایش‌ده كی؛ قورآن اوخوناندا تیراختورچولارین قورد سسی چیخارتماسی‌دیر.
(چوخلاری اولاشیردیلار).
دوغورسو
هئچ ایش یئرینده دگیلیدی. بوردا پیروزیچی‌لرین سوچو و گوناهلارینی بیر یانا قویوب
اؤزوموزدن دانیشماغی گره‌ك بیلیرم. دوغرودان نئجه ایددیعا ائدیریك كی خانیملار
گلسینلر ایستادیوما!؟
بیر
تبریزدن گلن یولداشیملا دانیشیردیم و سؤیله‌دی: "تبریزده
اصلن بئله ایشلر گؤرونمور و یامانلار دییلمیر!؟ بیلمیرم نه اولوبدور بوردا!؟" من
اونون جاوابیندا دئدیم كی: " تبریزده هامی
یانداشلار تیراختورچودولار و اوردا سیزه یامان دیین یوخدور كی سیزده مجبور اولاسیز
اونا جاواب وئره‌سیز."
ایسته‌میرم
بو سؤزلرایله اؤز ایشلریمیزی توجیه ائده‌ك. بو تئهرندا نه اولای باش وئریر كی
فوتبال یارشلاریندا بئله اولور!؟
داها
بیر موضوع بودور كی: هر زامان ایستیردیك میللی شوعارلار مثلن " تورك
دیلینده مدرسه اولمالیدی هر كسه" و ... دییه‌ك؛ لیدرلر
قویموردولار و بیر بؤیوك طبیل كی لیدرلر طرفیندن ایستادیوما گتیریلمیشدیر –
اونون سسی‌نی چیخاریب و قویموردولار بو شوعار و اونا بنزر میللی حاقلاریمیزی سسلی‌یك.
بونون ندنی‌نی "بیزه
دییبلر كی بو اولماسین" سؤیله‌ییردیلر. آنجاق همین بو لیدرلر و
داها دوغروسو لودر‌لر سؤیوشلری، یامان یاووزلاری شعر كیمی قوشوب و موسیقی‌ایله
برابر پیروزیچیلر و داوره قارشی ایهانت ائتمه‌لری لیدرلیك ائدیردیلر. چوخ گولمه‌لی
و آجی درددی. ساغلام میللی شوعرلاریمیز یاساق و نه تورلو ایهانت آزاد! و بونون تام
مسئولیتینی لیدرلرین اوستونه آتماقا چاره‌م قالماییبدیر. نئجه اولور سن بیر میللته
ایهانت ائده بیلیرسن!؟ ( فارس، افغانلی و عرب‌لره ایهانت ائدیردیلر)؛ اونون
ناموسونا توخونورسان!؟ بیر فوتبال تاخیمینین آدینا لكه یاخیرسان و اوردا منی‌ده
بیر خایین كیمی سانیرسان!؟ اونلار منه دییردیلر كی گره‌ك اولارین سؤیوشونه بو
جاوابلاری وئره‌ك و داوری‌ده دوزگون داورلیك ائتمه‌مه‌سینه بو یامانلارا لاییق
گؤروردولر و منیم اعتیراضیما گولوردولر و دییردیلر: "بئله
اولماز كی. گره‌ك اونلارینكی‌نی اؤزلرینه وئراخ!؟"
آنجاق
بیلدیر و اینیش‌ایل بو سؤزلر چوخ آزیدی و اؤزوموز قاباغینی آلیردیق. آنجاق او
زاماندان بری كی بو T.T.T لر
مئیدانا گلیبلر و تاسسوفله لیدرلرده بیر بویوروق و پیلانلا قاباغا گئدیب و بو ایكی
قوروپ بیر بیرینی حیمایه ائدیرلر بو صحنه‌لرین شاهیدی اولموشوق. من چوخ اینجیدیم. تیراختور
و اونون یانداشلاری اخلاق سیمگه‌سی اولماقدا ا‌یدیلار آنجاق قویمورلار و بونو تام
مسئولیت‌له لیدرلرین اوستونه آتمالی‌یام. بیرده بیزیم میللتین شوعوروموزا نه گلیب
كی هر كس و قوروپ نه دییرسه؛ دوشونمه‌دن و فیكیرلشمه‌دن اونون آردیندان گئدیریك.
اینانین بیر آزدا من ایعتیراض ائتسه‌یدیم منی‌ده دؤیوب و یامانلاردیلار.
بو
سؤزلری یازماقدا تیراختورچولاری قیناماق و اونلاری ازمك دگیل. آنجاق قارداشلاریم
آخی بو ایشلر یاخشی ایش دگیل‌كی. سن اویونو بوشلاییب و او بیری طرفه بیلاخ توتاسان
كی نه اولسون!؟ بیلیرم كی اول او سنه ایهانت ائدیر؛ آنجاق بوش وئرسن هر شیء دوزه‌لر.
بئله كی گئدیریك بیز باشقا تاخیملارین یانداشلاریندان هئچ فرقیمیز اولمویاجاق و
تیراختورون دوشمنلری بو ایشلردن یاخشی یارارلاناجاقلار.
یاشاسین
آزربایجان
یاشاسین
تیراختور
یاشاسین
دوزگون و اوسلو تیراختورچو
گؤنده ر
بؤلوم لر:
اوردان بوردان