+0 به‌‌یه‌ن
اوچ گولمه‌جه اؤیكو
1) ده‌ده‌ن
آغزی
گولگاوازین
ائوینین یاپیشیغی بیر كالوولوقویدور. نئچه گون قاباق ائرته چؤره‌ك آلماغا گئدیردیم
بیر آن خارابالیغین دووارلاریندا یازیلان شوعارلارا گؤزوم دوشدو.
شرفسیز
بورا زیبیل خانا دگیل
بورا
زیبیل تؤكمه ! ده‌ده نه‌نه‌سیز!
بیر
یئرده‌ده بو جومله‌نی گؤردوم. " بورا ده‌ده‌ن آغزی‌دی" !!
چؤره‌كچی‌دن
چؤره‌ك آلیپ قاییتدیم. گولگاواز الینده بیر آز خیویر زیویر گلیردی. منه یئتیشجه‌ك
سوروشدوم گولگاواز بونلار نه‌دی كالووون دوواریندا یازیپلار!؟
باشینی
توولویا توولویا پوفله‌دی: آ كیشی! هر ده‌ده نه‌نه‌سیز گلیر زیرزیبیلین تؤكور
بورایا. قوخوسو دونیانی گؤتورور هئچ، بیر چوخ بؤجوك مؤجوك و سیر سیچان دولور ائویمیزه.
دای باشیم قارالدی بونلاری یازدیم.
-
هه .
اؤزون یازیپسان اوندا بونلاری. آنجاق او بیریسی‌نین (بورا ده‌ده‌ن آغزی‌دی) سببی‌نی
بیلمه‌دیم!؟
گولگاواز
دئدی: واللاه دوزونو دئسم خارابانین او بوجاغینی توالت ائتمیشدیلر موحتادلار. دای
ائله فیكریمه او چاتدی. آنجاق بو سؤیوش‌لرده فایداسیز اولوب‌دور. داها بیلمیرم
نمنه ائدیم.
قاشلاریم‌لا
اونا تاسسوفومو بیلدیردیم و هله‌لیك دئیب دؤندوم. گؤره‌سن بیز ندن بو قدر باشی
سویوق اولموشوق!؟
***
كالوولوقویدور
= خارابالیق‌ایدی
ائرته
= صوبح تئزدن
خیویر
زیویر = خرت و پرت
2
) بیره
تئهراندا
دوغولان تورك بالاسی‌ایله یولداش اولموشدوم. بو ایل یایدا كندیمیزه گئدیردیم و
یولداشیم منله كندیمیزه گلمك ایسته‌دی. او دئییردی من ایندیه قدر كند گؤرمه‌میشم و
چوخ ایستیرم بیر كندی گؤره‌م!
كندیمیز
زنگان چایینین چئوره‌سینده زنگان - میانا یولوندادیر. ماشین‌لا یولا دوشدوك و گون
باتان چاغی كنده یئتیشدیك. كتده خالام گیلده شاما دوشدوك. شامدان سونرا خالامین
اری دئدی: "منیم
بو گئجه سو واریم و سوغانلاری سوواراجاغام. ایسترسز منله گلین و گئجه‌نی چؤلده
قالاق."
یولداشیم بونا گؤره ماراقلاندی.
احمدین
(خالامین ارینین) نیسانی‌ایله چؤله ساری یوللاندیق. دورو و تمیز هاوا، چؤلون
سوكوتو و قارانلیق گئجه‌نی ایشیقلاندیران اولدوزلار، یولداشیما چوخ خوش گلیردی.
بیر آز باغ باغاتدا دولاندیق. سونرا باغین اورتاسیندا تیكیلمیش بالاجا بیر اوتاق‌دا
یاتماغا گئتدیك. یولداشیم سوروشدو: "بوردا ایلان میلان و
بؤربؤجوك یوخدور كی!؟" احمد دئدی : " نییه!
وار آنجاق ایچری گلمزلر بورا یونجا داواسی وورموشام و تمیزدیر."
یئر
سالدیق و بیر آز چایدان مئیوه‌دن یئمه‌ك ایسته‌دیك. بو آن‌دا یولداشیم الینی آتدی
آیاغینی چوخ سرت قاشیدی. سؤروشدوم: "نه اولدو!؟" سؤیلهدی:
"منی
بیر شیء سانجادی! چوخ پیس سانجادی. "
احمدین
اوزونه باخدیم. احمد ایكیمیزه باخاراق سؤیلهدی: "
اؤنملی دگیل! بلكه بیره سانجادی."
یولداشیم
قاشینا قاشینا سورشدو: " نمه!؟ "
دئدیم
: "
بیره ."
یولداشیم
دئدی: "
بیره
نمه‌دی!؟ "
دئدیم:
" او
بیر جوره بؤجوك‌دور. چوخ كیچیك اولور. فارسجاسینی ایندی خاطیرلامیرام. آنجاق
توركجه‌ده بیره دئییلیر."
یولداشیم
اوفلویا اوفلویا گولومسه‌دی: " یاخشی كی آدی بیره‌دی!
ایكی‌یه اوچه اولسایدی آدامی قازاردی."
او
گئجه نی احمد و من گولمكدن آغلامسادیق.
***
سرت
= محكم
بیره
= كك
3)
یوغروق فیستیق
هئی
! فارسلار دئمیشكن : یادش بخیر ! فیستیق‌جیم ! نه گؤزل گؤلوشون واریمیش؛ دَیرینی
بیلمه‌دیك. سنین اینجه دوداقلارینی بارماقلاریمیزلا آچاردیق و ایچینی تامسیلانا
تامسیلانا یییه‌ردیك. داها سنی یوخودادا گؤرمه‌ك اولمور.
ایندی
بو چینلی‌لر هاردادیلار!؟ گئنه اونلار بو سورونو چؤزه‌سی گؤرسه‌نیرلر. چینلی
فیستیق هاردا قالیبدیر!؟ اودا باهالی گلسه اولورسا چینلی قارداشلاریمیز یوغروق
فیستیق قاییرسینلار كی بایرام‌دا قوناقلاریمیزدان اوتانمی‌یاق.
***
یوغروق
= پیلاستیك‌دن قاییریلمیش نسنه
فیستیق = پیسته – پسته
گؤنده ر
بؤلوم لر:
اوردان بوردان