+0 به‌‌یه‌ن
سئوگینینده
واختی وارمی!؟
هر
ایشین واختی وار. واختی گلمدن ائتمك اولماز. واختی كئچندن سونرا اولسادا یاراری آز
اولور. منجه سئوگینینده واختی وار. واختی او زاماندیر سن حیس ائدسن بیرینی
سئویرسن. او ایسه سنی سئویر. سئوگیلینی گؤره‌نده اؤلومه یان‌كئچ دئییب گله‌جه‌یه
اومودلانیرسان. بو سئوگینین اَن اؤنملی و دَیرلی گؤسته‌رگه‌سی‌دیر.
سوبای
یاشی كئچمیش بیر یولداشیم منله اوركداشلیق ائدیردیك. منه سئوگیلی‌سیز اولدوغوندان
شیكایت ائدیردی. 40 یاشلی اولدوغونا باخمایاراق بیر قیز آرخاداشی یوخلوغوندان ائولنمه‌یه
ماراغ گؤسته‌رمه‌سیندن دانیشیردی. " ایكی قاش گؤزه‌ده باخماق
منی دویغولاندیرمیر." سؤیله‌ییردی. "سئوگی بیر ساپ –
ساغ اوره‌ك ایستیر؛ دوزگون آنلاق آیدین باخیش سئوگینین آلت‌یاپیسی‌دیر" دییردی. مومكوندور چتین توتورام. بؤیله چرچیوه‌نین توخوماغی ساده‌جه اؤزومه
دوزگون گؤرونور. دییرلر سئوگی هئچ بیر قورال یوخسا یاسایا سیغماز. منیم
قوراللاریمین اوستون حوكومداری دییر: " سئومه او زامانا قدر دوشونوب بو
ایناما چاتاسان؛ او دوزگون و گوجلو سئوگی‌دیر. ائله اؤزودور. "
آنجاق
ایكی ساحاتا یاخین او دانیشدی من ائشیتدیم. سونرا مندن سوروشدو: هه! نئجه دئدیم!؟
منیم پروبلئمیم وار یوخسا دونیا دگیشیبدیر!؟
آنجاق
من دوداخلاریمی بؤزوب باشیمی ساغ وَریمه اَیدیم. " نه دئییم قارداش" سؤیله‌دیم. اؤزومدن زحلم گئتدی. ائله یولداشیمین‌دا زحله‌سینی آپاردیم. داها
دانیشمادان بیرآزدان ساغوللاشیب گئتدی.
گؤنده ر
بؤلوم لر:
توپلومسال (اجتماعی)