قارانلیقیدان ایشیغا دوغرو
اوجاقلو ماحمودون اؤزبئلاقی
تاريخ : 1391/12/13 | یازار : taymaz ocaqlu
+0 به‌‌یه‌ن

سایین یولداشلار. بو اؤیكومو بوردا یازماقدان چوخ عوذر ایستیرم. آنجاق آلله هامی‌یا دوزگون یولداش پای وئرسین. دَیَرسیز یولداشلاری بیزدن اوزاق ساخلاسین

اصغر كیمی یولداش

بعضن عاغلیمی ایتیرمیش كیمی اولورام؛ بلكه‌ده اولمورام بئله دویورام. بیر یئدیجه (هفته) بوندان قاباق‌دان یئنی دویغولارلا اوزله‌شیرم. گئجه‌لر یاتماق ایستی‌ینده ایستیرم اوتاغیم قاپ قارانلیق اولسون. بوتون قاپی پنجره‌نین اؤنونه آشیرقا (پرده) آسمیشام. قارانلیق‌دا ساكین اولورام. سس‌سیز. آنجاق بو ساكین‌لیك چوخ چكمیر! بیر آزدان بیر قورخویا بنزر دویغو "منیم سون گئجه‌م دیر بو گئجه"‌؛ سؤیله‌ییر. دوغروسو بودور هئچ بیلمیرم قورخورام یوخسا یوخ. آوارا قالمیشام. بعضن اؤزومه دئییرم اولمویا كیزیلمیشه‌م. (منزوی اولموشام افسرده اولموشام)

ایره‌لی گون یولداشیما بونلاری دانیشیردیم منه یان‌یان باخیب سؤیله‌دی: او 40 متیرلیك ائوده یالقیز قالماغین‌دا بو سونوجو (نتیجه‌سی) وار. باشیوی سالیبسان او بیت باسمیش كیتابلارا نه آختاریرسان!؟

بیر آز منه اؤیوت وئرندن سونرا سویوموش چایینی بوغازینا آشیردی و هله‌لیك‌له‌شدیك. اوچ ساحاتدان سونرا منه زنگ آچدی: "سلام. بو گون آخشام سنه قوناق گلیرم. اوچ شام دئ گتیرسین‌لر. "

بیر آز دانیشدیق و تئلفونو كسدیك.

منیم ائویمه قوناق آز گلیر. بیلمیردیم نه ائتمه‌لی‌یم. بیرده كی بویولداشیم ایلك اولاراق منه قوناق گلیر. ایستیردیم زنگ آچیب بیله‌سینه دئییم كی گلمه‌سینلر! اوچرا (چونكو) ایسته‌میردیم یالقیزلیغیمی ایتیرم. بونو بئلین (تهلوكه) گؤروردوم. آنجاق دئدیم بلكه‌ده بو یولداشیم دوز دئییر و منی بو تك‌لیك سفئه‌له‌ده بیلر.

هر حال گئجه اولدو و ائشیكدن شام دئمه‌دن؛ اؤزوم بیر آز دوگو باسدیردیم و تویوق‌دان زاتدان بیشیریب شام حاضیرلادیم. اؤزومده گئیینیپ یولداشیمی گؤزله‌دیم. بیلیردیم یولداشیم قالیانی سئوه‌ر اونا گؤره بیر قالیان‌دا (قونشودان) امانت آلدیم.

****

ائویمین قاپی‌سی ایكی یول دویولدو. قاپینی آچدیم یولداشیم خانیمی ایسه ائوه گیردیلر. سلاملاشدیلار و اونلارا چوخ خوش گلیپ‌سیز دئییب و موبول‌لاردا اوتوماقلارینی ایسته‌دیم. اوتوردورلار.

اؤزومو ایتیرمیشدیم. آخی منه دئمه‌میشدی خانیمی‌ایله گله‌جه‌كدی و من اصلن ائویمی بونا گؤره اویقون گؤرمه‌دیم. هر حال بیزیم آرامیزدا چوخلو سوكوت واریدی. یولداشیما گیله‌یله‌ندیم (شاكی اولدوم) كی ندن منه دئمه‌دی خانیمی‌ایله گلیرلر!؟ آخی من دئدیم بلكی باشقا یولداشین‌ایله گلیرسن و اونا گؤره چوخ ساده شام حاضیرلامیشام و شرمنده اولاجاغام خانیمیندان. اونلاردان ایسته‌دیم كی ایذین وئرسینلر رئستوراندان شام دئییم گلسین.

ایكیسی‌ده گولدولر!؟ و خانیم آیاغا قالخیب قابلامالارین آغزینی آچیب باخدی.

برك اوتاندیم. اؤزومه دئدیم آبیریم گئتدی باری!

خانیم پیشیردیكلریمی قوخلاییب (اینسی‌له‌دی) فارسجا سؤیله‌دی: رنگ و بوش كه خوبه. احتمالا خوشمزه هم هست. همینو بیار بخوریم.

یولداشیم‌دا گولومسه‌یرك سؤیله‌دی: ماشاا... عروسم از هر انگشتش ده هنر می‌ریزه.

بیر آز تریم (عرق) قورودو. سیفرانی سردیم یئمه‌كلری یایدیم. ایچگی‌لری (سو و نوشابه) دوزدوم. هر شیء موكممل گؤرونوردو. یولداشیمین خانیمینی گؤرمه‌میشدیم و اونون افغانلی اولدوغونو بیلمیردیم. ایكیسی دانیشیب گولوردولر. قادینین سسی چوخ اوجاایدی و قاققیلدایانادا منه باخیردی. بعضن بیری‌بیری‌ایله چوخ پیس شوخلوقلار ائدیردیلر و منیم قیزارماغیما گولوردولر. اؤزومو سفئه‌لر كیمی آپاریردیم. هر دن منه ساتاشیب دولاشیردیلار و گولوردولر. من‌ده كی اونلارین اوره‌یی سینماسین دییه یالاندان گؤلومسه‌ییردیم.

شامی ییغیشتیریب و قاب قاشیقی توپلادیم. بیر آز اوتوروب و تئلویزیونا باخدیق. آنجاق اونلار چوخ راحاتجاسینا بیری‌بیری‌ایله دانیشیب گولوردولر. بیردن قادین مندن سوروشدو: پس تو چرا حرف نمی‌زنی!؟

دئدیم: "باغیشلایین من آخی هله شوكدایام. اصغر منه دئمه‌میشدی سیز گله‌جه‌ك‌سینیز و من اوتاندیم. اصغردن چوخ ناراحاتام. گره‌ك منه دئسه‌ایدی من یاخشی اؤزومده حاضیرلیق ائده‌ردیم. "

بیردن قادین الینی سالدی منیم بوینوما و اوزومدن اؤپدو: "نه عزیزم خیلی هم خوب بود. شامتون واقعا چسبید. مگه نه اصغر؟ "

منی دئییرسن! ال آیاغیم اسمه‌یه دوشدو. اؤلدوم اوتاندیم. گؤزلریم شیشدی و بیلمیرم گؤزلویومون دالیندا نئجه گؤۀرسه‌ندی كی اصغر و خانیمی گولمكدن پارتدادیلار. یاواشجاسینا اصغرین خانیمینین الینی بوینومون دالیندان گؤتوروب و بوشلادیم. چاش باش اولموشدوم. اصغر آیاغا قالخیب دئدی:

"محمود جان من گئدیرم. سنین كیمی سارساق گؤرمه‌میشدیم. دوغرودان سن هله بیلمیرسن كی بو منیم خانیمیم دگیل. سنه یولداش گتیرمیشم اَیله‌نه‌سن (خوش كئچیرده‌سن). "

و قاپینی آچیب گوله گوله قاچاراق سویله‌دی: "خوش كئچسین. " دالینجا پیلله‌لری آشاغی گئتدیم آنجاق ماشینا مینیب منه ال ساللادی.

ائویمه قاییتماغا آیاقلاریم گلمیردی. بیلمیردیم نئینه‌ییم. قوهوم قونشولارین ایچینده آبیریم گئده‌جك دوشونوردوم. اصغری یامانلاییردیم. لعنته گلسن اوغلان بو نه ایشیدی!؟ نئچه یول خیاوانی آشاغی یوخاری گئدیپ گلدیم. تئلفونوم زنگ چالدی. اصغرایدی.

گؤتوردوم و آغزیما گلنی اونا دئدیم. فقط گولوردو. دئدیم: "دور گل بو قهب... ‌نی آپار! "

یامان حیرصله‌نمیشدیم. اصغر دئدی:

"اوغلان سن چوخ سفئه‌سن. كیشی دگیلسن!؟ قاییت ائوه. قیز منه زنگ آچمیشدی و دئدی بو اوغلان هارا گئدیبدیر!؟ من‌ده اونا یالاندان دئدیم منله گلدی كوچه باشیندا خیریم خیردا آلسین. ایندی گلر. گئت ائوه گلینین تك قالماسین" و تئلفونو كسدی. یئنیدن تئلفونونو توتدوم آنجاق سؤندورموشدو.

داها چاره‌سیز قالدیم. گئتدیم بیر تاكسی توتوب و ائوه گئری دؤندوم. قاپینی چالدیم و باشی آچیق بیر گؤزل قیز قاپینی آچدی: "كجا رفتی عزیزم!؟ "

تئز ایچری گیردیم. جولو بارماغیمی بورنوما دایادیم و سوس دئدیم. سونرا دئدیم: "لطفا لباسهات رو بپوش. یه تاكسی دربستی برات گرفتم. برو. "

منه تعجوبله باخیب سؤیله‌دی: "چی شده!؟ من پول نمی‌گیرم. "

داها دؤزه‌نمه‌دیم و قاپینین یانینی آچدیم و ایشاره ائتدیم كی گئتسین. باش اؤرتوسونو باشینا آتدی. قارا گؤن پوتونلاری آیاغینا تاخیب و زیپینی یوخاری چكدی. قاپینی یاواشجاسینا چكدی باغلادی.

اوره‌گیم پیس چیرپینیردی و نفس نفس ووروردوم. ال‌لریم‌ده اسیردی. بیر آز راحاتلاشدیم.

داها گوجوم یوخودو و موبول اوستونه اؤزومو آتدیم. صوبح اولموشدو و یوخودان اویاندیم. هر شیء یوخو كیمی سانیردیم. آنجاق قیزین ساچلارینین كئشی (كش) مبل اوستونده منه دئییردی كی بو یوخو دگلمیش. داها اصغری او گوندن گؤرمه‌میشم.





گؤنده ر 100 درجه کلوب دات کام گؤنده ر     بؤلوم لر: اؤیكو (حكایت)
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :