قارانلیقیدان ایشیغا دوغرو
اوجاقلو ماحمودون اؤزبئلاقی
تاريخ : 1391/9/7 | یازار : taymaz ocaqlu
+0 به‌‌یه‌ن

جفر (جعفر) 35 ایلدن سونرا خاریجدن كندلرینه قاییتمیشدی. ایندی قوجا ده‌ده‌ و نه‌نه‌سی گیلده قوناق اولموش اوتورموشدولار. او گئده‌نده یانلیز و سوبای گئتمیشدی و ایندی بیر آرواد و ایكی اوشاق‌ایله كتده‌ایدیلر. ده‌ده و نه‌نه سی نوه لرینی چاغیریب و اوزلریندن اؤپه‌ندن سونرا اونلاری دانیشدیریردیلار. آنجاق اوشاقلار نسه بیر كلیمه‌ده آنلامیردیلار. چونكو اوشاقلار باشقا دیل اؤیره‌نیب و او دیلی باشا دوشوب دانیشیردیلار. اونا گؤره جفر ده‌ده نه‌نه‌سی دییه‌نلری اوشاقلارا چئویریب و اوشاقلارین یانیتلارینی ده‌ده نه‌نه‌سینه توركو دیلده دییردی.

جفرین ده‌ده‌سی سوروشدو: "بالا سن و آروادین كی توركسوز آنجاق ندن بونلارا اؤیره‌تمه‌دیز؟ بالا بئله ایش اولار!!؟" جفر گولوردو و ده‌ده‌سینی ساوادسیز سانیب سؤیله‌ییردی: آخی بو ایش اولماز كی!

یارین (صاباح) جفر و ده‌ده‌سی چؤله چیخیب باغلارینا ساری یوللاندیلار. جفر اوشاقلیق خاطیره‌لرینده دالدالانیردی. بیر آن گؤزو دوشدو دوگو (دویو) اكیلمیش یئرلره. تعجوبله سوروشدو:

ده‌ده ! هاواخدان دوگو اكیرسن!؟ آخی سن چوخ بوغدا اكیب بیچه‌ردین!

ده‌ده‌سی یانیتلادی: هه بالا ائله منده تعجوبده‌یم! آخی من بو یئره بوغدا سپمیشدیم آنجاق بیلمیرم نئجه اولدو كی دوگو گؤیه‌ردی!؟

جفرین تعجوبو لاپ آرتدی: ده‌ده نه دییرسن بو ایش اولاسی دگیل!؟؟ آخی نجور اولار بوغدا اكیب دوگو بیچه‌سن!؟

ده‌ده‌سی یانیتلادی: " ائله بیل اكدیییمیز یئری دگیشمیشیك اونا گؤره بئله اولوبدور." موهندیس‌لر بئله دیدیلر!

جفر لاپ سارسیدی: ده‌ده آخی بو سؤز نه‌دی!؟ هانس موهندیس بونو دییبدیر!؟ واللاه بو ایش اولماز. ائله او موهندیس‌ده یالاندان موهندیس‌دیر. سن نییه عاغلینی وئریبسن اونا. بو ایش اولاماز!

ده‌ده‌ بیر آز گولومسه‌یه‌رك دئدی: بالام جان! بس نئجه اولوب سنین توپراغین دگیشیب‌دیر آدین سانین دگیشیبدیر.  بالالارین دا دیلی خویو دگیشیبدیر. آنجاق تعجوب ائتمیرسن ایندی منیم دوگو اولموش بوغداما ایراد توتورسان!؟





گؤنده ر 100 درجه کلوب دات کام گؤنده ر     بؤلوم لر: ساتاشما
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :