قارانلیقیدان ایشیغا دوغرو
اوجاقلو ماحمودون اؤزبئلاقی
تاريخ : 1394/1/7 | یازار : taymaz ocaqlu
+0 به‌‌یه‌ن


یالانچی ائلچی - گولمه جه


چوخ چوخ دا یوخ چوخ اسکی زامان لار بیر ائلچی بیر میللته سئچیلدی. او بو میللته ظولومکارلارا - فاسید آداملارا قارشی دورماغی و یاخشی آدام اولماغی اؤرگتمه یه باشلادی. گونونو گئجه یه گئجه سینی گونونه قاتیب هامینی دوز یولا چاغیریردی. ظالیملر ایسه فاسیدلر اونون چاغیریشینی منفعتلرینه ضد گؤرور و اونو پیس آدام کیمی و "پانمن" تانیتدیریب بوتون مکرلرینی ایشه سالیرلار. هر حال اونا زیندان - هده قورخو - تطمیع و ... کار وئرمیر. ائلچی یولونا داوام دئییر چاغریشینین آردینی یورولمادان توتور. 
گئنه چوخ زامان یوخ ائله او زامانلارا اوست اوسته دوشن زامان دا ائله او میللته باشقا بیر ائلچی سئچیلیر. اودا او بیری ائلچی نین سؤزلرینی دئییر اونون کیمی داورانیر زیندانا دوشور و نهایت قورخمادان یولونا داوام وئریر. 
بیر گون ایکی ائلچی بیر بیرینله توشلاشیرلار. هر بیری بیر سؤز دئییر. هر ایکیسی بیر سؤز دییر آنجاق بیر بیرینی یالانچی آدلاندیریرلار. بیربیرینی دیکتاتور تانیتدیریرلار. میللت ده بو ایشه مات قالیر و ایکیسینه ده دییرلر سیز ایکینیزده بیر سؤز دئییرسیز ها! بو نه داعوادیر!؟ 
آرا قاریشیر مذهب ایتیر کیمی - اونلار من تئز سئچیلمیشم من تئز گلمیشم دئیرلر . چالیشیرلار میللتی اؤزونه ساری آلماغا و اؤز گوجونو آرتماغا چابالاییرلار. آنجاق میللت ایکی حاققین آراسیندا هانکی سینی سئچمه یه قرار وئره بیلمیرلر! 
ائلچی لر بیر بیرینی ساتقین و ظالمیلری آدامی آدلاندیریب میللتی چاشدیریرلار! 
بو آرادا ظالیملر هر ایکیسینی اوموقلایاراق (دستک وئریرلر) اودا یاندیریجی سپیرلر. 
سیزجه ایکی حاققین آراسیندا هانسی "یالان چی" دیر!؟ هانسی "دوغرو چو" . هانسی نی سئچسین بو میللت!؟ گؤره سن اوچونجو یول وارمی!؟ گؤره سن باریش یارادانلار اوچونجو گوج اولابیلرلر؟ 
بو سورغولارا ( ... و بنزر سورغولارا) ایندی جاواب وئرمک یاخشی دیر یوخسا قویاق زامان کئچسین.



آچار سؤزلر : میللت, ائلچی,

گؤنده ر 100 درجه کلوب دات کام گؤنده ر     بؤلوم لر: ساتاشما
یارپاق لار: [1]
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :